ദുബായ്: 2023-ലെ ടി20 ടീമിനെ തിരഞ്ഞെടുത്ത് ഐസിസി. 11 താരങ്ങൾ ഇടംപിടിച്ച ടീമിനെ നയിക്കുന്നത് സുര്യ കുമാർ യാദവാണ്. സൂര്യയ്‌ക്ക് പുറമെ രവി ബിഷ്‌ണോയ്, അർഷ്ദീപ് സിംഗ്, യശസ്വി ജയ്സ്വാൾ എന്നിവരാണ് ടീമിലിടം പിടിച്ച മറ്റ് ഇന്ത്യൻ താരങ്ങൾ. റിച്ചാർഡ് നഗാരവ (സിംബാബ്വെ), ഫിൽ സാൾട്ട് (ഇംഗ്ലണ്ട്), നിക്കോളാസ് പൂരൻ (വെസ്റ്റ് ഇൻഡീസ്), മാർക്ക് ചാപ്മാൻ (ന്യൂസിലാൻഡ്), സിക്കന്ദർ റാസ (സിംബാബ്വെ), അൽപേഷ് രാംജാനി (ഉഗാണ്ട), മാർക്ക് അഡയർ (അയർലൻഡ്) എന്നിവരാണ് ടീമിലിടം പിടിച്ച മറ്റുതാരങ്ങൾ.
സൂര്യകുമാർ യാദവ്
തുടർച്ചയായ രണ്ടാം വർഷവും ടി20 പുരുഷ ക്രിക്കറ്റർ ഓഫ് ദ ഇയർ പുരസ്‌കാര പട്ടികയിൽ സൂര്യ ഇടം പിടിച്ചു. കഴിഞ്ഞ വർഷം 18 ടി20 മത്സരങ്ങളിൽ നിന്ന് 733 റൺസടിച്ച സൂര്യകുമാർ യാദവ് ഐസിസി അംഗരാജ്യങ്ങളിൽ റൺവേട്ടയിൽ ഒന്നാം സ്ഥാനക്കാരനായിരുന്നു.
യശസ്വി ജയ്സ്വാൾ
14 മത്സരങ്ങളിൽ നിന്ന് 430 റൺസ് നേടി.
രവി ബിഷ്‌ണോയ്
കഴിഞ്ഞ വർഷം 44 ഓവറുകളിൽ നിന്നായി 18 വിക്കറ്റ് വീഴ്‌ത്തി. ഐസിസിയുടെ ടി20 ബൗളിംഗ് റാങ്കിംഗിലും ബിഷ്ണോയി ഒന്നാമതെത്തി.
അർഷ്ദീപ് സിംഗ്
2023ൽ ഇന്ത്യക്കായി 21 മത്സരങ്ങളിൽ നിന്ന് 26 വിക്കറ്റ് വീഴ്‌ത്തി.
