ലക്നൗ: അയോദ്ധ്യാ രാമക്ഷേത്രത്തിന്റെ പ്രാണപ്രതിഷ്ഠയിൽ പങ്കെടുത്തശേഷം രാമജന്മഭൂമയിൽ നിന്നും സെൽഫിയെടുത്ത് ബോളിവുഡ് താരങ്ങൾ. ബോളിവുഡ് താരം മാധുരി ദീക്ഷിതിന്റെ ഭർത്താവ് ശ്രീറാം നേനെയാണ് ചിത്രം പകർത്തിയത്. മാധുരി ദീക്ഷിത്, വിക്കി കൗശൽ, രൺബീർ കപൂർ, ആലിയ ഭട്ട്, ആയുഷ്മാൻ ഖുറാന, രാജ്കുമാർ ഹിറാനി എന്നിവർക്കൊപ്പമാണ് ശ്രീരാമജന്മഭൂമി ക്ഷേത്രത്തിൽ നിന്നും ശ്രീറാം സെൽഫിയെടുത്തത്.
പരമ്പരാഗത വസ്ത്രങ്ങൾ ധരിച്ചാണ് താരങ്ങൾ രാംലല്ലയുടെ പ്രതിഷ്ഠാ ചടങ്ങിനെത്തിയത്. അമിതാഭ് ബച്ചൻ, അഭിഷേക് ബച്ചൻ, കങ്കണ റണാവത്ത്, മധുര് ഭണ്ഡാർക്കർ, അനുപം ഖേർ, ചിരഞ്ജീവി, രാംചരൺ എന്നിവരും ചടങ്ങിൽ പങ്കെടുത്തു. കായികം, സിനിമാ, കല, സാഹിത്യം, സാംസ്കാരികം തുടങ്ങിയ വിവിധ മേഖലകളിലെ 8,000-ത്തിലധികം വിശിഷ്ടാതിഥികളും ചടങ്ങിന് സാക്ഷ്യം വഹിക്കാൻ അയോദ്ധ്യയിലെത്തി.
