സായ് പല്ലവിയുടെ സഹോദരിയും നടിയുമായ പൂജ കണ്ണന്റെ വിവാഹ നിശ്ചയം കഴിഞ്ഞു. അടുത്ത സുഹൃത്തായ വിനീതാണ് പൂജയുടെ വരൻ. ഇരുവരും ഏറെക്കാലമായി പ്രണയത്തിലായിരുന്നു.
അടുത്തിടെ പൂജ തന്നെയാണ് വിനീതിനൊപ്പമുള്ള ചിത്രങ്ങൾ സമൂഹ മാദ്ധ്യമങ്ങളിൽ പങ്കുവച്ചത്. വളരെ ലളിതമായി നടന്ന വിവാഹ നിശ്ചയത്തിന്റെ ചിത്രങ്ങളും പങ്കുവച്ചിരിക്കുകയാണ് പൂജ.
ബന്ധുക്കളും അടുത്ത സുഹൃത്തുക്കളും മാത്രമാണ് വിവാഹ നിശ്ചയ ചടങ്ങിൽ പങ്കെടുത്തത്. അതിസുന്ദരിയായെത്തിയ സായ് പല്ലവിയുടെ ചിത്രങ്ങളും ശ്രദ്ധ നേടുകയാണ്. കഴിഞ്ഞ ദിവസം വിവാഹ നിശ്ചയത്തിന് മുന്നോടിയായി നടന്ന ആഘോഷങ്ങളുടെ ചിത്രങ്ങളും പൂജ പങ്കുവച്ചിരുന്നു.
പ്രേമം എന്ന ചിത്രത്തിലൂടെ മലയാളികളുടെ മനസ് കീഴടക്കിയ നടിയായിരുന്നു സായ് പല്ലവി. തെന്നിന്ത്യൻ ചിത്രങ്ങളിൽ വളരെ സജീവമായി നിൽക്കുകയാണ് സായ് പല്ലവി. സോഷ്യൽ മീഡിയയിൽ അത്ര സജീവമല്ലെങ്കിലും താരം പങ്കുവെക്കുന്ന ചിത്രങ്ങളിൽ മിക്കപ്പോഴും അനുജത്തി പൂജയും ഉണ്ടാകാറുണ്ട്.
കൂടാതെ പൊതുവേദികളിലും പൂജക്കൊപ്പമായിരിക്കും സായ് പല്ലവി എത്താറുള്ളത്. ഇങ്ങനെയാണ് പൂജ ആരാധകർക്ക് സുപരിചിതയായത്.
