പ്രാണപ്രതിഷ്ഠ ചടങ്ങിനെത്തിയ താരങ്ങളുടെ ചിത്രങ്ങളാണ് സമൂഹമാദ്ധ്യമങ്ങളിൽ വൈറലാകുന്നത്. താരങ്ങൾ ചടങ്ങിൽ ധരിച്ച വസ്ത്രങ്ങളും ആഭരണങ്ങളും ഇതിനോടകം ശ്രദ്ധേയമായി കഴിഞ്ഞിരിക്കുകയാണ്. ചടങ്ങിലെത്തിയ ബോളിവുഡ് താരം ആലിയ ഭട്ടിന്റെ സാരിയുടെ വിലയാണ് ഇപ്പോൾ ആരാധകരെ അമ്പരപ്പിക്കുന്നത്.
ആകാശനീല നിറത്തിലെ മൈസൂർ സിൽക്ക് സാരിയാണ് ആലിയ ധരിച്ചിരുന്നത്. പ്രശസ്ത ഡിസൈനർ മാധുര്യയാണ് സാരി ഡിസൈൻ ചെയ്തിരിക്കുന്നത്. സാരിയിൽ ഏറ്റവും ആകർഷകമാകുന്നത് രാമായണത്തിലെ ഓരോ സംഭവങ്ങളും വിശദീകരിച്ചിരിക്കുന്നതാണ്. ത്രയമ്പകം എന്ന ശൈവചാപം ഒടിക്കുന്നത്, രാമനെ വനവാസത്തിനയക്കുന്നത്, സ്വർണമാനുകൾ, സീതയെ തട്ടികൊണ്ട് പോകുന്നത്, ഗംഗയുടെ പാലം തുടങ്ങിയ രാമായണ കഥയാണ് സാരിയിൽ തുന്നിയിരിക്കുന്നത്.
10 ദിവസം കൊണ്ടാണ് ഈ സാരിയിലെ ചിത്രപ്പണികൾ തുന്നിയെടുത്തതെന്നാണ് ഡിസൈനർ പറയുന്നത്. രണ്ട് പേർ ചേർന്നാണ് ആലിയയുടെ ഇഷ്ടാനുസരണം സാരിയിൽ ഹാൻഡ് വർക് ചെയ്തത്. ഏകദേശം 45,000 രൂപയാണ് സാരിയുടെ വില.
രാമായണ കഥ പറയുന്ന സാരിയും സാരിയുടെ വിലയും ഇതിനോടകം വൈറലായി കഴിഞ്ഞു. രൺവീർ കപൂറിനൊപ്പമാണ് താരം അയോദ്ധ്യയിലെത്തിയത്. വെളുത്ത കുർത്തയും ധോത്തിയും ബീജ് ഷോളുമായിരുന്നു ധരിച്ചിരുന്നത്.
