പ്രകൃതിയുടെ മനോഹാരിതയ്‌ക്കൊപ്പം സാങ്കേതികവിദ്യയുടെ സമന്വയം; ഔറംഗ പാലത്തിലൂടെ ഭാവിയിലെ ബുള്ളറ്റ് ട്രെയിൻ യാത്രകൾ; ചിത്രം പങ്കുവച്ച് റെയിൽവേ മന്ത്രാലയം

ന്യൂഡൽഹി: ഭാരത്തിലെ റെയിൽവേ സ്റ്റേഷനുകളുടെ ചിത്രങ്ങളും ഇതുമായി ബന്ധപ്പെട്ട വിവരങ്ങളും ജനങ്ങളുമായി പങ്കുവയ്‌ക്കാൻ റെയിൽവേ മന്ത്രാലയം ശ്രദ്ധചെലുത്താറുണ്ട്. അത്തരത്തിൽ റെയിൽവേ മന്ത്രാലയം പങ്കുവച്ച ഗുജറാത്തിലെ ഔറംഗ പാലത്തിന്റെ ഏരിയൽ വ്യൂ ആണ് ഇപ്പോൾ ഏവരുടെയും ശ്രദ്ധ ആകർഷിക്കുന്നത്. സമൂഹമാദ്ധ്യമമായ എക്‌സിലൂടെയാണ് റെയിൽവേ മന്ത്രലയം ചിത്രം പങ്കുവച്ചിരിക്കുന്നത്.

” പ്രകൃതിയുടെ മനോഹാരിതയ്‌ക്കൊപ്പം മികവുറ്റ സാങ്കേതികവിദ്യയുടെ സമന്വയം. ഭാവിയിലെ മനോഹരമായ ബുള്ളറ്റ് ട്രെയിൻ യാത്രകൾക്ക് ഗുജറാത്തിലെ വൽസാദ് ജില്ലയിലെ ഔറംഗ പാലം വഴിയൊരുക്കുന്നു.”- റെയിൽവേ മന്ത്രാലയം കുറിച്ചു.

Blending nature’s beauty with technological marvels

The Auranga Bridge in Valsad, Gujarat, paves the way for the future of travel with the #BulletTrain pic.twitter.com/jK6j63dnip

— Ministry of Railways (@RailMinIndia) January 23, 2024

മുംബൈ- അഹമ്മദാബാദ് ബുള്ളറ്റ് ട്രെയിന്റെ യാത്രകൾക്കായി നിർമ്മിച്ചെടുത്ത പാലമാണിത്. വൽസാദ് ജില്ലയിലെ ഔറംഗ പുഴയ്‌ക്ക് കുറുകെ നീണ്ടു കിടക്കുന്ന പാലത്തിന്റെ നിർമ്മാണം കഴിഞ്ഞ വർഷം ഓഗസ്റ്റിൽ തന്നെ പൂർത്തിയായിട്ടുണ്ടായിരുന്നു. രാജ്യത്തെ ആദ്യ ബുള്ളറ്റ് ട്രെയിനാണ് മഹാരാഷ്‌ട്രയിൽ നിന്നും യാഥാർത്ഥ്യമാകുന്നത്. 508 കിലോമീറ്റർ ദൂരത്തിലാണ് പദ്ധതി തയ്യാറാവുന്നത്. ജാപ്പനീസ് ഷിൻകാൻസെൻ ഡിപ്പോകളുടെ ശൈലിയിലാണ് ഇതിന്റെ രൂപകൽപ്പന.