തിരുവനന്തപുരം: ജ്വല്ലറിയിൽ വൻ കവർച്ച. നെടുമങ്ങാടാണ് സംഭവം. 25 പവൻ സ്വർണവും വെള്ളിയുമാണ് മോഷണം പോയത്. നെടുമങ്ങാട് പോലീസ് സ്റ്റേഷന് സമീപത്തുള്ള അമൃത ജ്വല്ലറിയിലാണ് മോഷണം നടന്നത്. രാവിലെ കട തുറക്കാനെത്തിയപ്പോഴാണ് മോഷണം നടന്നകാര്യം മനസിലായത്.
കടയുടെ പൂട്ട് പൊളിച്ച നിലയിൽ കണ്ടെത്തുകയായിരുന്നു. തുടർന്ന് നടത്തിയ പരിശോധനയിലാണ് ലോക്കറിൽ സൂക്ഷിച്ച ആഭരണങ്ങൾ കവർന്നതായി കണ്ടെത്തിയത്. പോലീസ് സ്ഥലത്തെത്തി വിവരങ്ങൾ ശേഖരിച്ചു. നെടുമങ്ങാട് പോലീസ് സ്റ്റേഷനിൽ നിന്ന് 300 മീറ്റർ ദൂരത്തായാണ് ജ്വല്ലറി സ്ഥിതി ചെയ്യുന്നത്.
