ശനിയാഴ്ചയാണ് ബോളിവുഡ് നടൻ ബോബി ഡിയോളിന് 55 വയസ് തികഞ്ഞത്. ഒടുവിൽ പുറത്തിറങ്ങിയ ആനിമൽ എന്ന ചിത്രത്തിൽ വില്ലൻ വേഷത്തിലെത്തിയ താരം അസാദ്ധ്യ പ്രകടനമാണ് നടത്തിയത്. ഇതിന് ഏറെ പ്രശംസ നേടാനും താരത്തിനായിരുന്നു. ജന്മദിനവുമായി ബന്ധപ്പെട്ട് മുംബൈയിലെ വസതിക്ക് മുന്നിൽ തന്നെ കാണാനെത്തിയ ആരാധകരുമായി അദ്ദേഹം സമയം ചെലവിട്ടിരുന്നു. ഇവരുമായി ഫോട്ടെയടുക്കാനും കുശലം പറയാനും താരം മടിച്ചില്ല.
എന്നാൽ ഇതിനിടെ സെൽഫി എടുക്കുന്നതിനിടെ ഒരു യുവതി ബോബി ഡിയോളിന്റെ കവിളിൽ അനുമതിയില്ലാതെ പൊടുന്നനെ ചുംബിച്ചു. യുവതിയുടെ പ്രവൃത്തിയിൽ അതൃപ്തനായെങ്കിലും താരം ഇത് പൊതുമദ്ധ്യത്തിൽ പ്രകടിപ്പിച്ചില്ല. ചിരിച്ചുകൊണ്ട് യുവതിയെ യാത്രയാക്കുകയും ചെയ്തു. ആദ്യ തവണ ഫോട്ടോ എടുത്തതിന് ശേഷമായിരുന്നു ഇത്.
ബോബി ചിത്രം പകർത്തുന്നതിനിടെയാണ് യുവതിയുടെ പ്രവൃത്തി. ഇതിന്റെ വീഡിയോ സോഷ്യൽ മീഡിയയിൽ വൈറലായി. ഒരുപക്ഷേ മറിച്ചാണ് ഇത്തരം കാര്യം സംഭവിച്ചതെങ്കിൽ എന്താകുമായിരുന്നു സ്ഥിതിയെന്നാണ് സോഷ്യൽ മീഡിയ ചോദിക്കുന്നത്.
View this post on Instagram
“>
View this post on Instagram