ഇസ്ലാമാബാദ് : സന ജാവേദുമായുള്ള മൂന്നാം വിവാഹ പ്രഖ്യാപനത്തിന് പിന്നാലെ വിവാദങ്ങൾക്കും ഓൺലൈൻ ട്രോളിനും ഇടയിലാണ് പാക് ക്രിക്കറ്റ് താരം ഷൊയ്ബ് മാലിക്. സനയും ഷൊയ്ബും വിവാഹിതരാകുന്നതിന് മുമ്പ് മൂന്ന് വർഷമായി ഡേറ്റിംഗിലായിരുന്നുവെന്ന് റിപ്പോർട്ടുകൾ സൂചിപ്പിക്കുന്നു.
അതേസമയം വിമർശനങ്ങൾക്ക് മറുപടിയുമായി ഷൊയ്ബ് മാലിക് രംഗത്തെത്തി . “നിങ്ങളുടെ ഹൃദയം നിങ്ങളോട് പറയുന്നതെന്തും നിങ്ങൾ ചെയ്യണമെന്ന് ഞാൻ കരുതുന്നു. ആളുകൾ എന്ത് ചിന്തിക്കുമെന്ന് നിങ്ങൾ ചിന്തിക്കരുത് . ഞാൻ സത്യം ചെയ്യുന്നു. ആളുകൾ എന്താണ് ചിന്തിക്കുന്നതെന്ന് മനസിലാക്കാൻ നിങ്ങൾക്ക് 10 വർഷമോ 20 വർഷമോ എടുക്കും. 20 വർഷത്തിനുശേഷം നിങ്ങൾ മനസ്സിലാക്കിയാലും മുന്നോട്ട് പോയി അത് ചെയ്യുക.“ എന്നാണ് മാലിക്കിന്റെ പോസ്റ്റ്.
അതേസമയം ഷൊയ്ബ് മാലിക്കും നടന് സന ജാവേദുമായുള്ള വിവാഹത്തോട് പ്രതികരിച്ച് വിവാദ ബംഗ്ലാദേശി എഴുത്തുകാരി തസ്ലീമ നസ്രീന് രംഗത്തെത്തി . മറ്റൊരാളെ വിവാഹം കഴിക്കാന് മാലിക് സന ജാവേദിനെയും വിവാഹമോചനം ചെയ്യുമെന്ന് തസ്ലീമ നസ്രീന് എക്സില് കുറിച്ചു. ‘ എനിക്ക് തെറ്റുപറ്റി. സാനിയ മിര്സയെ പോലുള്ള ബുദ്ധിമതിയായ ഒരു പെണ്കുട്ടി എങ്ങനെ ഇത്രയും മോശം ഒരു ആണ്കുട്ടിയെ വിവാഹം കഴിച്ചു! ഷൊയ്ബ് മാലിക് എന്നെങ്കിലും സന ജാവേദിനെ വിവാഹമോചനം ചെയ്യുമെന്ന് ഞാന് കരുതുന്നു . അവന് ഇസ്ലാമില് വിശ്വസിക്കുന്നുവെങ്കില്, അയാള്ക്ക് വിവാഹമോചനം പോലും ആവശ്യമില്ല, അയാള്ക്ക് ഒരേസമയം 4 ഭാര്യമാരുണ്ടാകാം ‘- തസ്ലീമ നസ്രീന് എക്സില് എഴുതി.
