ഇംഗ്ലണ്ടിനെതിരായ ടെസ്റ്റ് പരമ്പരയിൽ നിന്ന് വിരാട് കോലി പിന്മാറിയതിന് കാരണം അമ്മയുടെ ആരോഗ്യ സ്ഥിതിയാണെന്ന ആരോപണങ്ങൾ തള്ളി സഹോദരൻ. സമൂഹമാദ്ധ്യമങ്ങളിലാണ് വിരാടിന്റെ അമ്മയ്‌ക്ക് സുഖമില്ലെന്ന രീതിയിലുള്ള അഭ്യൂഹങ്ങൾ പരന്നത്. ഇത്തരത്തിൽ വ്യാജ വാർത്തകൾ പ്രചരിപ്പിച്ചവർക്കെതിരെ രൂക്ഷമായ രീതിയിലാണ് ഇൻസ്റ്റഗ്രാമിൽ കോലിയുടെ സഹോദരൻ വികാസ് മറുപടി നൽകിയത്.
‘എല്ലാവർക്കും നമസ്‌കാരം. ഞങ്ങളുടെ അമ്മയുടെ ആരോഗ്യത്തെക്കുറിച്ച് വ്യാജ വാർത്തകൾ പ്രചരിക്കുന്നത് ശ്രദ്ധയിൽപ്പെട്ടു. അമ്മ പൂർണ ആരോഗ്യത്തോടെയിരിക്കുന്നുവെന്ന് നിങ്ങളെ അറിയിക്കാനാണ് ഈ പോസ്റ്റ്. തെറ്റായ ഇത്തരത്തിലുള്ള വിവരങ്ങൾ പ്രചരിപ്പിക്കരുതെന്ന് നിങ്ങളോട് അഭ്യർത്ഥിക്കുന്നു’ -വികാസ് ഇൻസ്റ്റഗ്രാമിൽ കുറിച്ചു.
View this post on Instagram
“>
വ്യക്തിപരമായ കാരണങ്ങളാൽ ഇംഗ്ലണ്ടിനെതിരായ ടെസ്റ്റ് പരമ്പരയിലെ ആദ്യ രണ്ട് മത്സരങ്ങളിൽ കോലി കളിക്കില്ല എന്നാണ് ബിസിസിഐ അറിയിച്ചത്. മൂന്നാം ടെസ്റ്റിൽ കോലി ഉണ്ടാകുമോ എന്നതിലും വ്യക്തയില്ല. ഫെബ്രുവരി 2ന് വിശാഖപട്ടണത്താണ് രണ്ടാം ടെസ്റ്റ് ആരംഭിക്കുക.
