ന്യൂഡൽഹി : ഏകീകൃത സിവിൽ കോഡ് ഖുറാനിന്റെ തത്വങ്ങൾക്ക് വിരുദ്ധമാണെന്ന് സമാജ് വാദി പാർട്ടി എംപി എസ് ടി ഹസൻ .. ഉത്തരാഖണ്ഡ് മുഖ്യമന്ത്രി പുഷ്കർ സിംഗ് ധാമി ഏകീകൃത സിവിൽ കോഡ് ബിൽ നിയമസഭയിൽ അവതരിപ്പിച്ചതിനു പിന്നാലെയാണ് ഹസന്റെ പ്രസ്താവന .
ഖുറാനിൽ മുസ്ലീങ്ങൾക്ക് നൽകിയിരിക്കുന്ന ‘ഹിദായത്തുകൾക്ക്‘ (നിർദ്ദേശങ്ങൾ) എതിരാണെങ്കിൽ ഞങ്ങൾ ഏകീകൃത സിവിൽ കോഡ് ബിൽ പാലിക്കില്ല. അത് ‘ഹിദായത്ത്’ പ്രകാരം ആണെങ്കിൽ ഞങ്ങൾക്ക് ഒരു പ്രശ്നവുമില്ല – എസ് ടി ഹസൻ പറഞ്ഞു.
ഏകീകൃത സിവിൽ കോഡ് വരുമ്പോൾ ഉള്ള എല്ലാ നിയമങ്ങളിലും ഏകീകൃതത ഉണ്ടാകുമോ? ഇല്ല, ഒരു ഏകീകൃതത ഉണ്ടാകില്ല, നിങ്ങൾ കുറച്ച് സമുദായങ്ങളെ അതിൽ നിന്ന് ഒഴിവാക്കിയപ്പോൾ ഏകത എങ്ങനെ ഉണ്ടാകും? ഞങ്ങളുടെ നിയമ സമിതി പഠിക്കും. ഇതിനെ പറ്റി അതിനനുസരിച്ച് തീരുമാനിക്കും,” എന്നാണ് ഓൾ ഇന്ത്യ മുസ്ലിം പേഴ്സണൽ ലോ ബോർഡ് എക്സിക്യൂട്ടീവ് അംഗം മൗലാന ഖാലിദ് റഷീദ് ഫറംഗി മഹാലി പറഞ്ഞത്.