മനോഹരവും അതിശയകരവുമായ നിരവധി ക്ഷേത്രങ്ങളുള്ള രാജ്യമാണ് ഇന്ത്യ. ദക്ഷിണേന്ത്യ മുതൽ ഉത്തരേന്ത്യ വരെയും കിഴക്കേ ഇന്ത്യ മുതൽ പശ്ചിമ ഇന്ത്യ വരെയും ലക്ഷക്കണക്കിന് ഭക്തർ ദർശനത്തിനായി എത്തുന്ന ആയിരക്കണക്കിന് പുണ്യക്ഷേത്രങ്ങളുണ്ട്. എന്നാൽ ലോകത്തിലെ തന്നെ ആദ്യത്തെ ഓം ആകൃതിയിലുള്ള ക്ഷേത്രമാണ് രാജസ്ഥാനിൽ ഒരുങ്ങിയിരിക്കുന്നത് .
രാജസ്ഥാനിലെ പാലി ജില്ലയിലെ മാർവാർ തഹസിൽ ജദാൻ ഗ്രാമത്തിലാണ് ഈ ശിവ ക്ഷേത്രം . ജോധ്പൂരിൽ നിന്ന് 70 കിലോമീറ്റർ അകലെയുള്ള പാലി വ്യവസായ മേഖലയായി കണക്കാക്കപ്പെടുന്നു. രാജസ്ഥാന്റെ ചരിത്രത്തെക്കുറിച്ച് പഠിക്കാനും ചരിത്രപരമായ വിനോദസഞ്ചാര കേന്ദ്രങ്ങൾ കാണാനും പറ്റിയ സ്ഥലമാണ് പാലി. ഓം ആകൃതിയിലുള്ള ക്ഷേത്രത്തിന്റെ നിർമ്മാണം കാരണം ഈ നഗരം ഇപ്പോൾ കൂടുതൽ പ്രസിദ്ധമായി.
ഏകദേശം 28 വർഷമെടുത്താണ് ഈ ക്ഷേത്രം പണിതതെന്നാണ് പറയപ്പെടുന്നത്. 1995-ലാണ് ഇതിന്റെ നിർമ്മാണം ആരംഭിച്ചത് . ഈ ക്ഷേത്രത്തിൽ ഫെബ്രുവരി 19-ന് പ്രതിഷ്ഠാ ചടങ്ങുകൾ നടക്കും. ക്ഷേത്രത്തിന്റെ നീളം കിഴക്ക് നിന്ന് പടിഞ്ഞാറോട്ട് ഏകദേശം 185 മീറ്ററും വടക്ക് നിന്ന് തെക്ക് വരെ ഏകദേശം 252 മീറ്ററുമാണ് . മുകളിൽ നിന്ന് നോക്കുമ്പോൾ ഈ ക്ഷേത്രം ഓം ആകൃതിയിലാണ് കാണപ്പെടുന്നത്.
ക്ഷേത്രത്തിലെ പ്രധാന ആകർഷണ കേന്ദ്രം ശിവന്റെ വിഗ്രഹങ്ങളാണെന്ന് പറയപ്പെടുന്നു. റിപ്പോർട്ടുകൾ പ്രകാരം ഏകദേശം 1008 ശിവലിംഗങ്ങൾ ഈ ക്ഷേത്രത്തിൽ സ്ഥാപിച്ചിട്ടുണ്ട്. ഈ ക്ഷേത്രപരിസരത്ത് ഒരേസമയം 12 ജ്യോതിർലിംഗങ്ങളെ ആരാധിക്കുകയും ദർശിക്കുകയും ചെയ്യാം.
പിങ്ക് കല്ലിൽ നിർമ്മിച്ച , നാല് നിലകളുള്ള ഈ ക്ഷേത്രത്തിൽ മനോഹരമായി കൊത്തിയ 108 മുറികളുണ്ട്. ക്ഷേത്രത്തിൽ ഏകദേശം 2000 തൂണുകളുമുണ്ട് .
