രജനികാന്തിന്റെ പുതിയ ചിത്രം ലാൽ സലാം’ ഇന്ന് തിയറ്ററുകളിലെത്തി. മകളും സംവിധായകയുമായ ഐശ്വര്യ രജനികാന്താണ് ചിത്രം സംവിധാനം ചെയ്തിരിക്കുന്നത്. ഈ ചിത്രത്തിൽ ‘മൊയ്ദീൻ ഭായ്’ എന്ന കാമിയോ റോളിലാണ് തലൈവർ എത്തുന്നത്. ചിത്രത്തിന്റെ റിലീസിനോടനുബന്ധിച്ച് താരം എക്സിൽ പങ്കുവെച്ച പോസ്റ്റ് നിമിഷങ്ങൾക്കകമാണ് വൈറലായത്.
“എന്റെ പ്രിയപ്പെട്ട മകൾ ഐശ്വര്യയ്ക്ക് എന്റെ സ്നേഹപൂർവമായ ആശംസകൾ. ലാൽ സലാം എന്ന ചിത്രം വിജയിക്കട്ടെ എന്ന് ഞാൻ ദൈവത്തോട് പ്രാർത്ഥിക്കുന്നു” രജനീകാന്ത് എക്സിൽ കുറിച്ചു. വീൽചെയറിൽ ഇരിക്കുന്ന രജനികാന്തിനെ തളളിക്കൊണ്ടു പോകുന്ന മകളുടെ ചിത്രമാണ് താരം കുറിപ്പിനൊപ്പം പങ്കുവെച്ചത്. വീൽചെയറിൽ കാലുകൾ മടക്കിവെച്ച് ഹെഡ്ഫോൺ ധരിച്ച് വ്യത്യസ്തമായ ഗെറ്റപ്പിലുള്ള ഫോട്ടോയ്ക്ക് തഴെ നിരവധി കമന്റുകളാണ് എത്തിയത്.
என் அன்பு தாய் ஐஸ்வர்யாவுக்கு என் அன்பு சலாம்.உங்களுடைய லால் சலாம் திரைப்படம் மிகப்பெரிய வெற்றி அடைய எல்லாம் வல்ல இறைவனை வேண்டுகிறேன்@ash_rajinikanth #LalSalaam pic.twitter.com/bmRe8AGLkN
— Rajinikanth (@rajinikanth) February 9, 2024
തമിഴ്നാട്ടിൽ ചിത്രത്തിന്റെ ആദ്യ പ്രദർശനം രാവിലെ ആരംഭിച്ചു. ഐശ്വര്യ രജനികാന്തിന്റെ നാലാമത്തെ ചിത്രമാണ് ‘ലാൽ സലാം’. ചിത്രത്തിലെ രജനികാന്തിന്റെ വേഷത്തെ പറ്റി വലിയ ചർച്ചകൾ സോഷ്യൽ മീഡിയയിൽ നടന്നിരുന്നു. രജനികാന്തിനെ കൂടാതെ വിഷ്ണു വിശാൽ, വിക്രാന്ത് എന്നിവരും ‘ലാൽ സലാം’ എന്നവരും സിനിമയിൽ അഭിനയിക്കുന്നുണ്ട്. ലൈക്ക പ്രൊഡക്ഷൻസിന്റെ ബാനറിലാണ് ചിത്രം നിർമ്മിച്ചിരിക്കുന്നത്.
