2016 ഏപ്രിൽ 11 നാണ് യൂണിഫൈഡ് പേയ്‌മെന്റ് ഇന്റർഫെയ്‌സ് എന്ന യുപിഐ എൻപിസിഐ അവതരിപ്പിക്കുന്നത്. ആദ്യമൊക്കെ ആരും ശ്രദ്ധനൽകിയില്ലെങ്കിലും ശേഷം സ്വപ്‌നതുല്യ വളർച്ചയാണ് യുപിഐ കൈവരിച്ചത്. 2018-2019 വർഷത്തിൽ 23 ശതമാനവും 2020- 2021 ൽ 55 ശതമാനവും വളർച്ച രേഖപ്പെടുത്തി. നിലവിൽ ലോകത്തെ മുന്നിൽ നിൽക്കുന്ന പേയ്‌മെന്റ് സംവിധാനങ്ങളിൽ ഒന്നായി മാറിയിരിക്കുകയാണ് യുപിഐ.
യൂറോപ്പിലും ഏഷ്യയിലുമായി നിലവിൽ 11 രാജ്യങ്ങളിൽ യുപിഐ സംവിധാനം ലഭ്യമാണ്. ഭൂട്ടാൻ, യുഎഇ, മലേഷ്യ, സിംഗപ്പൂർ, നേപ്പാൾ, ഒമാൻ, ഖത്തർ, ശ്രീലങ്ക എന്നിവയാണ് സംവിധാനം ഉപയോഗിക്കുന്ന ഏഷ്യൻ രാജ്യങ്ങൾ. ഫ്രാൻസിലും മൗറീഷ്യസിലും റഷ്യയിലും മാത്രമല്ല ഉടൻ തന്നെ ബ്രിട്ടണിലും യുപിഐ സേവനം ആരംഭിക്കുമെന്നാണ് പുറത്തുവരുന്ന റിപ്പോർട്ട്.
അമേരിക്കൻ സെൻട്രൽ ബാങ്കായ ഫെഡറൽ റിസർവിനോട് യുപിഐ മാതൃകയിൽ സംവിധാനം നിർമ്മിക്കാൻ നിർദ്ദേശിച്ചിരിക്കുയാണ് ഗൂഗിൾ. ബ്രസീൽ, ബെഹ്‌റിൻ, സൗദി അറേബ്യ, സിംഗപ്പൂർ എന്നീ രാജ്യങ്ങളും യുപിഐയെ മാതൃകയാക്കാൻ ഒരുങ്ങുന്നതായാണ് റിപ്പോർട്ടുകൾ. നിലവിൽ 522 സ്ഥാപനങ്ങൾ യുപിഐയുമായി ചേർന്ന് സേവനം രാജ്യത്ത് നൽകുന്നുണ്ട്.
യുപിഐ സംവിധാനം നിലവിലുള്ള രാജ്യങ്ങൾ:
ഭൂട്ടാൻ
യുഎഇ
മലേഷ്യ
സിംഗപ്പൂർ
നേപ്പാൾ
ഒമാൻ
ഖത്തർ
ശ്രീലങ്ക
ഫ്രാൻസ്
മൗറീഷ്യസ്
റഷ്യ
യുപിഐ മാതൃകയിൽ സേവനം ആരംഭിക്കാൻ ഒരുങ്ങുന്ന രാജ്യങ്ങൾ
ഓസ്‌ട്രേലിയ
തായ്‌ലാൻഡ്
സൗദി അറേബ്യ
യുഎസ്എ
ബഹ്‌റെയ്ൻ
ജപ്പാൻ
ഫിലിപ്പൈൻസ്
എത്യോപ്പിയ
ന്യൂസിലാൻഡ്
