താനെ: പലാവ സിറ്റി കേന്ദ്രമായി പ്രവർത്തിക്കുന്ന ട്രൂ ഇന്ത്യൻ ഇൻഫർമേഷൻ ആൻഡ് ഗൈഡൻസ് സൊസൈറ്റിയുടെ വാർഷികം ആഘോഷിച്ചു. പലവ സിറ്റിയിലെ കസാരിയോ ആംഫിതീയറ്ററിലാണ് പരിപാടി സംഘടിപ്പിച്ചത്. ട്രൂ ഇന്ത്യൻ ക്രിയേറ്റീവ് വിംഗ് ഡയറക്ടർ അംബിക വാരസ്യാർ അദ്ധ്യക്ഷയായി. പ്രശസ്ത നർത്തകിയും, ഗന്ധർവ്വ സർവ്വ കലാശാല ഉപദേശക സമിതി അംഗവുമായ സുമിത്ര രാജ്ഗുരു ഉദ്ഘാടനം ചെയ്തു.
ഗായത്രി പ്രേംദാസ് പ്രാർത്ഥന അലപിച്ചു. ൻസ് റിയാലിറ്റി ഷോ താരങ്ങളായ സുബ്രനീൽ പോൾ, ശ്വേതാ വാരിയർ എന്നിവരുടെ നൃത്തപരിപാടിയായിരുന്നു ചടങ്ങിന് മാറ്റ് വർദ്ധിപ്പിച്ചു. സിന്ധു നായർ പ്രോഗ്രാം അവതരിപ്പിച്ചു. ട്രൂ ഇന്ത്യൻ ഡാൻസ് അക്കാദമിയിലെ നൃത്ത പ്രതിഭകളുടെ നൃത്ത പരിപാടികളും അരങ്ങിലെത്തി. ഡിസംബറിൽ കേരളത്തിലെ ഗുരുവായൂർ ക്ഷേത്രത്തിൽ അരങ്ങേറ്റം നടത്തിയ നൃത്ത പ്രതിഭകൾക്ക് സുമിത്ര രാജ്ഗുരു സർട്ടിഫിക്കറ്റുകൾ വിതരണം ചെയ്തു.
വിവിധ മേഖലകളിലായി അരനൂറ്റാണ്ട് പൂർത്തിയാക്കിയ ഡോ. ഉമ്മൻ ഡേവിഡ്, സാമൂഹ്യ പ്രവർത്തകനായ ടി.ആർ. ചന്ദ്രൻ, ജോസ് വർഗീസ് (ദിവ), വിജിതാ നായർ, മധു പിള്ളൈ, രാജേഷ് ആർ. നായർ, സുരേന്ദ്രൻ, ഡോ. രശ്മി വാരിയർ, ഡോ. ശശികല പണിക്കർ എന്നിവരെ ചടങ്ങിൽ ആദരിച്ചു.
