ബ്രഹ്മപുരം മാലിന്യ സംസ്കാരണ പ്ലാന്റിലുണ്ടായ തീപിടിത്തത്തെ തുടർന്നുള്ള സംഭവങ്ങളെ ആസ്പദമാക്കി തയ്യാറാക്കിയ ചിത്രം ‘ഇതുവരെ’ മാർച്ച് ഒന്നിന് തീയറ്ററുകളിൽ എത്തും. നിരവധി പുരസ്ക്കാരങ്ങൾക്കർഹമായ ‘മിന്നാമിനുങ്ങ്’ എന്ന ചിത്രത്തിന് ശേഷം അനിൽ തോമസ് തിരക്കഥയെഴുതി സംവിധാനം ചെയ്യുന്ന ചിത്രമാണ് ‘ഇതുവരെ’. ടൈറ്റസ് പീറ്ററാണ് സിനിമയുടെ നിർമ്മാണം.
കലാഭവൻ ഷാജോണാണ് കേന്ദ്ര കഥാപാത്രത്തെ അവതരിപ്പിക്കുന്നത്. മെട്രോ നഗരമായ കൊച്ചിയിൽ നിന്നും ഒരു മലയോര മേഖലയിൽ എത്തിയ വിക്രമൻ നായർ എന്ന കഥാപാത്രത്തെയാണ് ചിത്രത്തിൽ കലാഭവൻ ഷാജോൺ അവതരിപ്പിക്കുന്നത്. പ്രകൃതിയും അത് നേരിടുന്ന പ്രതിസന്ധികളും ചർച്ച ചെയ്യുന്ന കുടുംബകഥയായാണ് ചിത്രമെത്തുന്നത്.
വിജയകുമാർ, പ്രേം പ്രകാശ്, മനുരാജ്, പീറ്റർ ടൈറ്റസ്, ദേവി സ്വാതി, ലതാ ദാസ്, ഷൈനി, ഡോക്ടർ അമർ , മുൻഷി രഞ്ജിത്ത്, സൂര്യ പണിക്കർ വൈക്കം, മധു പീരുമേട്, അൻസാരി ഈരാറ്റുപേട്ട ഷെറിൻ സ്റ്റാൻലി , ഷിനി ചിറ്റൂർ, വിനോദ് കുമാർ, കിട്ടു ആഷിഖ്, ഷെറിൻ ഖാൻ എന്നിവരാണ് മറ്റുതാരങ്ങൾ.
ഛായാഗ്രഹണം – സുനിൽ പ്രേം എൽ.എസ്. എഡിറ്റിംഗ് – കെ.ശ്രീനിവാസ്. കലാ സംവിധാനം – അർക്കൻ.എസ്. കർമ്മ. മേക്കപ്പ്: ലാൽ കരമന, കോസ്റ്റ്യും – ഡിസൈൻ – ഇന്ദ്രൻസ് ജയൻ. ചീഫ് അസ്സോസ്സിയേറ്റ് ഡയറക്ടർ – ജിനി സുധാകരൻ. പ്രൊഡക്ഷൻ എക്സിക്കുട്ടീവ് – ഷെറിൻ സ്റ്റാൻലി. പ്രൊഡക്ഷൻ കൺടോളർ – പ്രതാപൻ കല്ലിയൂർ. മറയൂർ, ഈരാറ്റുപേട്ട, കൊച്ചി എന്നിവിടങ്ങളിലായി ഈ സിനിമയുടെ ചിത്രീകരണം പൂർത്തിയാകും.
പി.ആർ.ഓ -വാഴൂർ ജോസ്.
