കരൺ ജോഹറിന്റെ നിർമ്മാണത്തിൽ ഒരുങ്ങുന്ന വെബ് സീരീസിന് ആറ് രാജ്യങ്ങളിൽ വിലക്ക്. കരൺ ജോഹറിന്റെ പ്രൊഡക്ഷൻ കമ്പനിയായ ധർമ്മയുടെ ബാനറിൽ നിർമ്മിച്ച ‘ലവ് സ്റ്റോറിയാൻ’ എന്ന വെബ് സീരിസിനാണ് ആറ് രാജ്യങ്ങളിൽ വിലക്ക് ഏർപ്പെടുത്തിയിരിക്കുന്നത്. യുഎഇ, സൗദി അറേബ്യ, തുർക്കി, ഇന്തോനേഷ്യ, ഈജിപ്ത് എന്നീ രാജ്യങ്ങളാണ് സീരീസിന് വിലക്കേർപ്പെടുത്തിയത്.
ആറ് ദമ്പതികളുടെ പ്രണയകഥ പറയുന്ന സീരീസിൽ സ്വവർഗ പ്രണയത്തെയും ഉൾപ്പെടുത്തിയിട്ടുണ്ട്. അതിനാലാണ് സീരീസിനെ ഇസ്ലാമിക രാജ്യങ്ങൾ വിലക്കിയത്. അക്ഷ് ഇന്ദികർ, അർച്ചന ഫട്കെ, കോളിൻ ഡി കുൻഹ, ഹാർദിക് മേഹ്ത, ഷാസിയ ഇഖ്ബാൽ, വിവേക് സോണി എന്നിവരാണ് സീരീസിന്റെ സംവിധായകർ.
ഇതിലെ ആറാമത്തെ എപ്പിസോഡായ ‘ലവ് ബിയോണ്ട് ലേബൽസി’ലാണ് ട്രാൻസ്ജെൻഡർ പങ്കാളികളായ ടിസ്റ്റ, ദിപ എന്നിവരുടെ കഥ പറയുന്നത്. ഈ സീരീസ് പ്രഖ്യാപിച്ചതുമുതൽ ഏറെ വിവാദങ്ങൾക്ക് വഴിയൊരുക്കിയിരുന്നു. കൊൽക്കത്തയിൽ താമസിക്കുന്ന ഇവർ ലിംഗമാറ്റ ശസ്ത്രക്രിയയ്ക്കിടെ കണ്ടുമുട്ടുകയും തുടർന്ന് പ്രണയത്തിലാവുകയും ചെയ്യുന്നതാണ് കഥ.
