ജീവിതത്തിൽ ഒരിക്കലെങ്കിലും സന്ദർശിക്കണമെന്ന് കരുതുന്ന സ്ഥലങ്ങളുടെ പട്ടികയിൽ പ്രഥമ സ്ഥാനമാണ് കശ്മീരിനുള്ളത്. അമിത ചെലവും യാത്രയും പലരെയും പിന്നോട്ട് വലിക്കുന്നു. എന്നാൽ കുറഞ്ഞ ചെലവിൽ ഭൂമിയിലെ സ്വർഗം കാണാൻ അവസരമൊരുക്കുകയാണ് ഇന്ത്യൻ റെയിൽവേ. വേനൽ അടിച്ച് പൊളിക്കാൻ പദ്ധതിയിടുന്നവർക്കായി കിടിലൻ പാക്കേജ് ഇതാ..
‘കാശ്മീർ ഹെവൻ ഓൺ എർത്ത് എക്സ് മുംബൈ’ എന്ന പാക്കേജാണ് ഐആർസിടിസി അവതരിപ്പിച്ചിരിക്കുന്നത്. ഗുൽമാർഗ്, പഹൽഗാം, ശ്രീനഗർ എന്നിവിടങ്ങൾ സന്ദർശിക്കാനുള്ള അവസരമാണ് ലഭിക്കുക. അഞ്ച് രാത്രിയും ആറ് പകലും നീണ്ടുനിൽക്കുന്നതാണ് യാത്ര. മാർച്ച് 18 മുതൽ 24 വരെയാണ് യാത്ര നീണ്ടുനിൽക്കുക.
Feel like taking a trip to the mountains?
Join the Kashmir Heaven on Earth Ex-#Mumbai (WMA50) tour starting on 11.03.24 & 24.03.24.Book now on https://t.co/s2Y2JoV8Sa#dekhoapnadesh #Travel #Booking #Tours #Kashmir #JammuAndKashmir pic.twitter.com/pWpmxcE7un
— IRCTC (@IRCTCofficial) February 16, 2024
വിമാനമാർഗമാണ് കശ്മീരിന്റെ ഭംഗി ആസ്വദിക്കാൻ അവസരം ലഭിക്കുന്നത്. മുംബൈയിൽ നിന്നാണ് യാത്ര പുറപ്പെടുന്നത്. 58,500 രൂപയാണ് ഒരാൾക്ക് ചെലവാകുന്ന തുക. രണ്ട് പേർക്ക് 49,300 രൂപയുമാണ് നിരക്ക്. കുട്ടികൾക്ക് പ്രത്യേകം തുക അടയ്ക്കേണ്ടതാണ്. കിടക്ക ആവശ്യമുള്ള അഞ്ചിനും 11-നും ഇടയിൽ പ്രായമുള്ള കുട്ടികൾക്ക് 44,000 രൂപയും മറ്റുള്ളവർക്ക് 38,500 രൂപയുമാണ് അടയ്ക്കേണ്ടത്. കൂടുതൽ വിവരങ്ങൾക്കായി ഐആർസിടിസിയുടെ ഔദ്യോഹഗിക വെബ്സൈറ്റ് സന്ദർശിക്കാവുന്നതാണ്.