ന്യൂഡൽഹി: ഇന്ത്യൻ സമ്പദ്വ്യവസ്ഥ കുതിക്കുന്നതായി ധനകാര്യ മന്ത്രാലയം. റാബി വിളവെടുപ്പ് ഉത്പ്പാദന മേഖലയിൽ സുസ്ഥിര ലാഭം കൊണ്ടുവരുമെന്നും പ്രതിമാസ സാമ്പത്തിക അവലോകനത്തിൽ മന്ത്രാലയം വ്യക്തമാക്കി. ജിഡിപി പ്രതീക്ഷിച്ച നിലയിലേക്ക് ഉയരുമെന്നും റിപ്പോർട്ട് പറയുന്നുണ്ട്. ഇടക്കാല ബജറ്റിലെ സുസ്ഥികര വികസനത്തിനുള്ള വഴികളെയും റിപ്പോർട്ട് ഉയർത്തികാണിക്കുന്നുണ്ട്.
2024-25 ൽ ഇന്ത്യയുടെ യഥാർത്ഥ ജിഡിപി 7 ശതമാനമായി വളരുമെന്ന് റിസർവ് ബാങ്ക് ഓഫ് ഇന്ത്യ പ്രവചിക്കുന്നു. പല ആഗോള ഏജൻസികളും ഇന്ത്യയുടെ വളർച്ചാ പ്രവചിക്കുന്നു. 2023-24-ലെ രണ്ടാം പാദത്തിൽ പ്രതീക്ഷിച്ചതിലും മികച്ച പ്രകടനവും ആഗോള ഏജൻസികളെ ഇന്ത്യൻ വളർച്ചിൽ പ്രത്യാശ പ്രകടിപ്പിക്കാൻ പ്രേരിപ്പിച്ചുതായി റിപ്പോർട്ട് വ്യക്തമാക്കി.
സാമ്പത്തിക മന്ത്രാലയത്തിന്റെ പ്രതിമാസ സാമ്പത്തിക അവലോകനം അനുസരിച്ച് നിലവിലുള്ള ഭൗമരാഷ്ട്രീയ തലക്കെട്ടുകൾക്കിടയിൽ വളർച്ചാ പാത നിലനിർത്താനുള്ള ഇന്ത്യൻ സമ്പദ്വ്യവസ്ഥയുടെ പ്രതിരോധശേഷിയെ ഇത് പ്രതിഫലിപ്പിക്കുന്നു. ഇടക്കാല ബജറ്റിലെ നടപടികൾ ഇന്ത്യയുടെ വളർച്ചയെ പിന്തുണയ്ക്കുന്നതിൽ നിർണായക പങ്ക് വഹിക്കുന്നുവെന്നും അവലോകന റിപ്പോർട്ട് പറയുന്നു.
