ചൈനീസ്, കൊറിയൻ ഭക്ഷണ രീതികൾ പ്രിയമുള്ളവർക്ക് ഇഷ്ടപ്പെട്ട ഒരു ഭക്ഷണ പദാർത്ഥമായിരിക്കും കിംചി. കാബേജ്, വെളുത്തുള്ളി, ഇഞ്ചി, സോസ് തുടങ്ങി പല വസ്തുക്കൾ ഉപയോഗിച്ച് തയ്യാറാക്കുന്ന കിംചിക്ക് പ്രത്യേക രുചി തന്നെയാണ്. ധാരാളം പ്രോബയോട്ടിക്കുകൾ അടങ്ങിയിട്ടുള്ള ഭക്ഷണ പദാർത്ഥമാണ് കിംചി. രുചിയുടെ കാര്യത്തിൽ മാത്രമല്ല ഗുണത്തിന്റെ കാര്യത്തിലും മുൻപന്തിയിലാണ് ഈ ഭക്ഷണം. അറിയാം..
കുടലിന്റെ ആരോഗ്യം വർദ്ധിപ്പിക്കാൻ
ധാരാളം പ്രോബയോട്ടിക്കുകൾ അടങ്ങിയിട്ടുള്ള കിംചി കുടലിന്റെ ആരോഗ്യം മെച്ചപ്പെടുത്താൻ സഹായിക്കുന്നു. കുടലിന്റെ പ്രവർത്തനങ്ങൾ മെച്ചപ്പെടുത്തുന്നതിനായുള്ള ബാക്ടീരിയകളാണ് കിംചിയിൽ അടങ്ങിയിട്ടുള്ളത്.
രോഗപ്രതിരോധശേഷി വർദ്ധിപ്പിക്കുന്നു
വിറ്റാമിൻ സി, ആന്റിഓക്സിഡന്റുകൾ തുടങ്ങിയ പോഷകഘടകങ്ങൾ കിംചിയിൽ അടങ്ങിയിട്ടുണ്ട്. ഇത് പ്രതിരോധശേഷി കുറയുന്നത് മൂലമുണ്ടാകുന്ന രോഗങ്ങൾ ചെറുത്ത് നിർത്താൻ സഹായിക്കുന്നു.
ഭാരം നിയന്ത്രിക്കുന്നു
ഭാരം നിയന്ത്രിക്കുന്നതിനായി ആഹാരത്തിൽ കിംചി ഉൾപ്പെടുത്തി കഴിക്കുന്നത് നല്ലതാണ്. ഇതിൽ അടങ്ങിയിരിക്കുന്ന ഫൈബർ അമിത ഭാരം നിയന്ത്രിച്ചു നിർത്താൻ സഹായിക്കുന്നു.
കൊളസ്ട്രോൾ സാധ്യത കുറയ്ക്കുന്നു
പതിവായി കിംചി ഭക്ഷണത്തിൽ ഉൾപ്പെടുത്തി കഴിക്കുന്നത് ചീത്ത കൊളസ്ട്രോൾ ശരീരത്തിലടിയുന്നത് തടയുന്നു. കൂടാതെ ഹൃദയാരോഗ്യം മെച്ചപ്പെടുത്തുന്നതിനും ഇത് കഴിക്കുന്നത് ഗുണം ചെയ്യുന്നു.
തലച്ചോറിന്റെ പ്രവർത്തനങ്ങൾ കാര്യക്ഷമമാക്കുന്നു
വിറ്റാമിൻ എ, വിറ്റാമിൻ സി, ഫൈബർ, കാത്സ്യം, മഗ്നീഷ്യം തുടങ്ങി ഒട്ടനവധി പോഷക ഘടകങ്ങളാണ് കിംചിയിൽ അടങ്ങിയിരിക്കുന്നത്. ഇത് തലച്ചോറിന്റെ പ്രവർത്തനങ്ങൾ കാര്യക്ഷമമാക്കാൻ സഹായിക്കുന്നു. ഓർമ്മശക്തി വർദ്ധിപ്പിക്കുന്നതിനും കിംചി പതിവായി കഴിക്കുന്നത് നല്ലതാണ്.
NOTE: ഒരുപാട് നാളുകൾ എടുത്ത് വക്കുന്ന കിംചി കേട് വരാനുള്ള സാധ്യത കൂടുതലാണ്. പഴകിയ കിംചി കഴിക്കുന്നത് ആരോഗ്യത്തെ ദോഷകരമായി ബാധിക്കുന്നു