തലമുറകളെ പിടിച്ചിരുത്തിയ സുവർണ്ണ ശബ്ദം; രാജ്യത്തെ ബ്രോഡ്കാസ്റ്റിം​ഗ് മേഖലയിൽ വിപ്ലവം സൃഷ്ടിച്ചയാൾ; സയാനിയുടെ വിയോ​ഗത്തിൽ അനുശോചിച്ച് പ്രധാനമന്ത്രി

ന്യൂഡൽഹി: ജനപ്രിയ റേഡിയോ അവതാരകൻ അമീൻ സയാനിയുടെ വേർപാടിൽ അനുശോചിച്ച് പ്രധാനമന്ത്രി നരേന്ദ്രമോദി. എക്സിലൂടെയായിരുന്നു അദ്ദേഹത്തിന്റെ പ്രതികരണം.

Shri Ameen Sayani Ji’s golden voice on the airwaves had a charm and warmth that endeared him to people across generations. Through his work, he played an important role in revolutionising Indian broadcasting and nurtured a very special bond with his listeners. Saddened by his…

— Narendra Modi (@narendramodi) February 21, 2024

ചാരുതയും ഊഷ്മളതയും നിറഞ്ഞ സുവർണ്ണ ശബ്‌ദമായിരുന്നു സയാനി ജിയുടേത്. അത് നിരവധി തലമുറകൾക്കിടയിൽ അദ്ദേഹത്തെ പ്രിയങ്കരനാക്കി മാറ്റി. ഭാരതത്തിലെ ബ്രോഡ്കാസ്റ്റിം​ഗ് മേഖലയിൽ വിപ്ലവം സൃഷ്ടിക്കുന്നതിൽ പ്രധാന പങ്കുവഹിച്ച സയാനി, തന്റെ ശ്രോതാക്കളുമായി അതിമനോ​ഹരമായ ബന്ധം വളർത്തിയെടുത്തിരുന്നു. അദ്ദേഹത്തിന്റെ വിയോഗത്തിൽ അതിയായ ദുഃഖം രേഖപ്പെടുത്തുന്നു. സയാനി ജിയുടെ കുടുംബാം​ഗങ്ങൾക്കും ആരാധകർക്കും എല്ലാ റേഡിയോ ശ്രോതാക്കൾക്കും അനുശോചനം അറിയിക്കുന്നതിനൊപ്പം അദ്ദേഹത്തിന്റെ ആത്മാവിന് നിത്യശാന്തി നേരുന്നതായും പ്രധാനമന്ത്രി അറിയിച്ചു.

ഇന്ന് രാവിലെ ഹൃദയാഘാതത്തെ തുടർന്ന് മുംബൈയിൽ വച്ചായിരുന്നു അമീൻ സയാനി അന്തരിച്ചത്. 91 വയസായിരുന്നു. വ്യാഴാഴ്ചയാണ് സംസ്കാര ചടങ്ങുകൾ നടക്കുക. അവതരണശൈലിയിലെ വ്യത്യസ്തതയും സവിശേഷമായ ശബ്ദമാധുര്യവും അമീൻ സയാനിയെ റേഡിയോ ശ്രോതാക്കൾക്കിടയിൽ വളരെയേറെ ജനപ്രിയനാക്കിയിരുന്നു.

Read more at: ‘ഗീത് മാല’യുടെ സുവർണശബ്ദത്തിന് വിട; ആകാശവാണിയെ ജനപ്രിയമാക്കിയ, ഭാരതത്തിൽ റേഡിയോ ശ്രോതാക്കളെ സൃഷ്ടിച്ച അമീൻ സയാനി അന്തരിച്ചു