ഗാന്ധിനഗർ: ഗുജറാത്തിലെ മെഹസാനയിൽ വാലിനാഥ് ധാം ക്ഷേത്രത്തിലെ പ്രാണപ്രതിഷ്ഠാ ചടങ്ങുകളുടെ വീഡിയോ പങ്കുവച്ച് പ്രധാനമന്ത്രി നരേന്ദ്രമോദി. എക്സിലൂടെയാണ് പ്രധാനമന്ത്രി വീഡിയോ പങ്കുവച്ചത്. പ്രധാനമന്ത്രി ശിവലിംഗത്തിൽ അഭിഷേകം നടത്തുന്നതും, ഹാരമണിയിക്കുന്നതും ആരതി ഉഴിയുന്നതും വീഡിയോയിൽ കാണാം.
കഴിഞ്ഞ ദിവസമായിരുന്നു വാലിനാഥ് ക്ഷേത്രത്തിലെ പ്രാണപ്രതിഷ്ഠാ ചടങ്ങുകൾ നടന്നത്. പ്രാണപ്രതിഷ്ഠയുടെ സമാപന ചടങ്ങിലാണ് പ്രധാനമന്ത്രി പങ്കെടുത്തത്. പുഷ്പാർച്ചന നടത്തി പ്രാർത്ഥിച്ച ശേഷം ക്ഷേത്രത്തിന് പുറത്തിറങ്ങിയ പ്രധാനമന്ത്രി ഭക്തരെ അഭിവാദ്യം ചെയ്യുന്നതും ദൃശ്യത്തിലുണ്ട്. വാലിനാഥ് ധാമിലെ പ്രാണപ്രതിഷ്ഠയിൽ പങ്കെടുത്ത ശേഷം മെഹ്സാനയിൽ നടന്ന പൊതുസമ്മേളനത്തിലും പ്രധാനമന്ത്രി പങ്കെടുത്തു.
જય વાળીનાથ!
આજ રોજ મહેસાણાના તરભ ખાતે વાળીનાથ મહાદેવના દર્શન કરી સૌના કલ્યાણ માટે પ્રાર્થના કરી. pic.twitter.com/mayRXRvMFY
— Narendra Modi (@narendramodi) February 22, 2024
അയോദ്ധ്യാ രാമക്ഷേത്രത്തിന്റെ മാതൃകയിലാണ് ക്ഷേത്രം നിർമ്മിച്ചിരിക്കുന്നത്. ഉജ്ജ്വല വരവേൽപ്പ് നൽകിയാണ് പ്രധാനമന്ത്രിയെ ക്ഷേത്രത്തിലേക്ക് സ്വാഗതം ചെയ്തത്. കലാകാരന്മാരുടെ നൃത്താവതരണവും ക്ഷേത്രത്തിൽ ഒരുക്കിയിരുന്നു. ആയിരക്കണക്കിന് ജനങ്ങളാണ് പ്രധാനമന്ത്രിയെ കാണാനായി ക്ഷേത്രത്തിലെത്തിയത്. ഇവയെല്ലാം കോർത്തിണക്കിയ വീഡിയോയാണ് പ്രധാനമന്ത്രി എക്സിൽ പങ്കുവച്ചത്.