നിരവധി ആരാധകരുള്ള ബോളിവുഡ് സൂപ്പർതാരമാണ് രൺബീർ കപൂർ. പുതിയ ചിത്രം അനിമലിന്റെ വിജയത്തിന് പിന്നാലെ സിനിമയിൽ ചെറിയൊരു ഇടവേള എടുത്തിരിക്കുകയാണ് താരം. സോഷ്യൽ മീഡിയയിലും സജീവമാണ് താരം. എന്നാൽ തന്റെ സിനിമാ വിശേഷങ്ങളാണ് താരം എപ്പോഴും സോഷ്യൽ മീഡിയയിൽ പങ്കുവയ്ക്കാറുള്ളത്.
ഇപ്പോഴിതാ രൺബീറിന്റെ രഹസ്യ ഇൻസ്റ്റഗ്രാം അക്കൗണ്ട് കണ്ടെത്തിയിരിക്കുകയാണ് ആരാധകർ. Reymar-1528 എന്ന പേരിലുള്ള ഒരു ഇൻസ്റ്റഗ്രാം അക്കൗണ്ടിന്റെ സ്ക്രീൻഷോട്ടുകളാണ് ഇപ്പോൾ സമൂഹമാദ്ധ്യമങ്ങളിൽ പ്രചരിക്കുന്നത്. ഒപ്പം ഈ അക്കൗണ്ട് വഴി സൂപ്പർ താരങ്ങളുടെ പോസ്റ്റുകൾക്ക് ചുവടെ നടത്തിയ കമന്റുകളും അവരുടെ മറു കമന്റുകളുടെ സ്ക്രീൻഷോട്ടുകളും പ്രചരിക്കുകയാണ്.
Reymar-1528 എന്ന പ്രൊഫൈലിൽ ആകെ 5 ഫോളോവർ മാത്രമാണ് ഉള്ളത്. എന്നാൽ 349 ഫോളോവിംഗുകൾ ഉണ്ട്. ഇവരെല്ലാം ബോളിവുഡിലെ സൂപ്പർ താരങ്ങളാണ്. കൂടാതെ രൺബീർ വലിയൊരു നെയ്മർ ഫാൻ ആണ്. Reymar എന്നത് അദ്ദേഹത്തിനോടുള്ള ആരാധനയെ സൂചിപ്പിക്കാനാണെന്നും ഫാൻസ് പറയുന്നു. പേരിനൊപ്പം ചേർത്തിരിക്കുന്ന RK എന്നത് രൺബീർ കപൂറിന്റെ ചുരുക്കെഴുത്താണെന്നും വാദമുണ്ട്.