മനുഷ്യനെ പോലെ എഴുതാനും വായിക്കാനും സംഭാഷണം നടത്താനുമെല്ലാം സാധിക്കുന്ന ചാറ്റ് ജിപിടി വളരെ ചുങ്ങിയ സമയം കൊണ്ടാണ് ജനശ്രദ്ധ ആകർഷിച്ചത്. ജനറേറ്റീവ് പ്രീ ട്രെയ്ൻഡ് ട്രാൻസ്ഫോമർ എന്നാണ് ജിപിടി അർത്ഥമാക്കുന്നത്. ചാറ്റ് ജിപിടിയോട് എതിരിടാൻ അടുത്ത കാലത്തൊന്നും മറ്റൊരു എഐ ടൂൾ ഇറങ്ങിയിട്ടില്ലെന്നത് ഇതിന്റെ ജനപ്രീതി വളരെയധികം വർദ്ധിപ്പിക്കുന്നു. എന്നാൽ ചാറ്റ് ജിപിടിക്ക് എതിരാളായി പുതിയ എഐ ടൂളിനെ അവതരിപ്പിക്കാനുള്ള ഒരുക്കത്തിലാണ് റിയലൻസ് ഇൻഡസ്ട്രീസ് ലിമിറ്റഡ് എന്നാണ് പുറത്തു വരുന്ന റിപ്പോർട്ടുകൾ.
ഹനൂമാൻ എന്ന പേരിലാണ് പുതിയ എഐ ടൂൾ പുറത്തിറങ്ങുന്നതെന്ന് ബ്ലൂംബെർഗ് റിപ്പോർട്ടിൽ പറയുന്നു. 22 ഇന്ത്യൻ ഭാഷകൾ അടങ്ങിയിട്ടുള്ള ഇൻഡിക് ലാർജ് ലാംഗ്വേജ് മോഡൽ പരമ്പരയാണ് ഹനൂമാനിലുള്ളത്. മുംബൈ ഐടിയുടെ നേതൃത്വത്തിലുള്ള ഭാരത് ജിപിടിയാണ് ഹനൂമാൻ എഐ മോഡലിനു പിന്നിലുള്ളതെന്നും റിപ്പോർട്ടിൽ പറയുന്നു. മാർച്ചിൽ ഈ ടൂൾ ജനങ്ങളിലേക്കെത്തുമെന്നാണ് പറയുന്നത്.
പുറത്തിറങ്ങിയതിന് ശേഷം ഓപ്പൺ സോഴ്സായിയായിരിക്കും ഇത് പ്രവർത്തിക്കുക. ടെക്സ്റ്റ് ടു സ്പീച്ച്, ടെക്സറ്റ് ടൂ വീഡിയോ, ടെക്സ്റ്റ് ടൂ ടെക്സ്റ്റ്, ടെക്സ്റ്റ് ടൂ ഓഡിയോ എന്നിങ്ങനെയുള്ള സംവിധാനങ്ങളായിരിക്കും ഇതിൽ അടങ്ങിയിരിക്കുക. 11 പ്രാദേശിക ഭാഷകളിൽ ഈ എഐ ടൂളിന്റെ സേവനം ജനങ്ങൾ ഉപയോഗപ്പെടുത്താമെന്നും റിപ്പോർട്ടിൽ പറയുന്നു.