മലയാളിക്ക് അത്ര സുപരിചിതമല്ലാതിരുന്ന ഫലവർഗമാണ് അവക്കാഡോ. എന്നിരുന്നാലും നമ്മുടെ വിപണിയിൽ ഇപ്പോൾ സുലഭമായി കിട്ടുന്ന ഒന്നാണിത്. ഈ ഫലത്തിന്റെ ഗുണങ്ങൾ നിരവധിയാണെന്ന് നമുക്ക് അറിയാം. എന്നാൽ അവക്കാഡോ എണ്ണയുടെ ഗുണങ്ങൾ അറിയാമോ? എങ്കിൽ അറിഞ്ഞോളൂ..
ചർമ്മത്തിന്റെ ആരോഗ്യത്തിന്
ചർമ്മത്തിന്റെ സൗന്ദര്യം വർദ്ധിപ്പിക്കുന്നതിന് ഉത്തമമാണ് അവക്കാഡോ ഓയിൽ. ഇതിൽ ധാരാളം ആന്റിഓക്സിഡന്റുകളും വിറ്റാമിൻ സി, വിറ്റാമിൻ ഇ എന്നീ ഘടകങ്ങളും അടങ്ങിയിരിക്കുന്നു. ഇത് സൗന്ദര്യം വർദ്ധിപ്പിക്കുന്നതിനായി സഹായിക്കുന്നു.
ഹൃദയാരോഗ്യം മെച്ചപ്പെടുത്തുന്നതിന്
ചീത്ത കൊളസ്ട്രോൾ കുറച്ച് ഹൃദയാരോഗ്യം മെച്ചപ്പെടുത്തുന്നതിന് അവക്കാഡോ ഭക്ഷണത്തിൽ ഉൾപ്പെടുത്തി കഴിക്കാം. ഹൃദയ സംബന്ധമായ രോഗങ്ങൾ വരുന്നത് കുറയ്ക്കുന്നതിനും ഇത് സഹായിക്കുന്നു.
ഭാരം നിയന്ത്രിക്കുന്നു
അവക്കാഡോ ഓയിൽ ശരീര ഭാരം നിയന്ത്രിച്ച് പൊണ്ണത്തടി കുറയ്ക്കുന്നതിന് സഹായിക്കുന്നു. വിശപ്പ് നിയന്ത്രിച്ച് നിർത്തുന്നതിനും ഈ എണ്ണ സഹായകരമാണ്.
ദഹന പ്രശ്നങ്ങൾ നിയന്ത്രിക്കുന്നതിന്
അവക്കാഡോ ഓയിലിൽ ധാരാളം ഫൈബർ അടങ്ങിയതിനാൽ ദഹനപ്രശ്നങ്ങൾ നിയന്ത്രിച്ച് നിർത്താൻ സഹായിക്കുന്നു. ദഹനം സുഗമമാക്കി വയറിലെ അസ്വസ്ഥതകളും അസിഡിറ്റിയും ഇല്ലാതാക്കാനും ഈ എണ്ണ സഹായിക്കുന്നു.