വാരണാസി ; ജ്ഞാൻവാപിയിൽ ക്ഷേത്രം ഉയരാൻ കാശി വിശ്വനാഥന് മുന്നിൽ പ്രാർത്ഥിച്ച് മുസ്ലീം വിശ്വാസികൾ .രാഷ്ട്രീയ മുസ്ലീം മഞ്ചിന്റെയും മുസ്ലീം മഹിളാ ഫൗണ്ടേഷന്റെയും സംയുക്ത ആഭിമുഖ്യത്തിലാണ് ലഖ്നൗവിൽ നിന്നുള്ള ഒരു കൂട്ടം മുസ്ലീങ്ങൾ കാശി ക്ഷേത്രത്തിന് മുന്നിലെത്തിയത് . കോടതിയിൽ ജ്ഞാൻ വാപി കേസ് പരിഗണിച്ച ദിവസമാണ് മുസ്ലീം സംഘം ഹർഹർ മഹാദേവ് മുഴക്കി കാശിയിലെത്തിയത് .
ഈ പ്രശ്നം എത്രയും വേഗം പരിഹരിക്കണമെന്ന് കാശി വിശ്വനാഥിനോട് പ്രാർത്ഥിച്ചതായി ദർശനത്തിനും പൂജയ്ക്കും ശേഷം സംഘം പറഞ്ഞു. ഹർഹർ മഹാദേവ് എന്ന വാക്യം ഉയർത്തിയതിന് ശേഷം ഞങ്ങളും മഹാദേവനെ സ്തുതിച്ചുവെന്ന് സംഘത്തിന്റെ ഭാഗമായിരുന്ന താക്കൂർ രാജ റയീസ് രാമഭക്തയായ നസ്നീൻ അൻസാരിയും പറഞ്ഞു.
ഏത് മുഗളനെയും ഭയന്ന് നമ്മുടെ സംസ്കാരം ഉപേക്ഷിക്കില്ലെന്നും താക്കൂർ രാജ റയീസ് പറഞ്ഞു. ജ്ഞാനവാപി ക്ഷേത്രത്തിലെ വിശ്വനാഥ് ജിയുടെ അനുഗ്രഹം എല്ലാവർക്കും ഉണ്ടാകണം . ഹിന്ദുക്കളും മുസ്ലീങ്ങളും തമ്മിലുള്ള ബന്ധം മെച്ചപ്പെടുകയും നമ്മുടെ രാജ്യം സമാധാനത്തിലേക്ക് നീങ്ങുകയും വേണം. ജ്ഞാൻവാപി പ്രശ്നം ഒന്നിച്ചിരുന്ന് പരിഹരിക്കണം. സനാതന സംസ്കാരത്തിന്റെ പതാക ഉയരുന്തോറും ലോകം സമാധാനത്തിലേക്ക് നീങ്ങും. സനാതനികളുടെ കേന്ദ്രമാണ് ജ്ഞാൻവാപി. നമുക്ക് ഒരിക്കലും രുദ്രദേവനെ വിട്ടുപോകാൻ കഴിയില്ല. അഞ്ജുമാൻ മസ്ജിദ് കമ്മിറ്റി മറ്റെവിടെയെങ്കിലും സ്ഥലം വാങ്ങി പള്ളി പണിയണം . ഇന്ന് സത്യത്തെ പിന്തുണയ്ക്കേണ്ട സമയമാണ് – രാജ റയീസ് പറഞ്ഞു.
മുസ്ലീം വുമൻ ഫൗണ്ടേഷൻ ദേശീയ പ്രസിഡൻ്റ് നസ്നീൻ അൻസാരി, ഹിന്ദു മുസ്ലിം സംവാദ് കേന്ദ്ര ദേശീയ ചെയർമാൻ ഡോ. നജ്മ പർവീൺ, അഫ്സർ ബാബ, അഫ്സർ ബാബ, അഫ്റോസ്, ഫിറോസ് എന്നിവരും ക്ഷേത്രത്തിലെത്തിയിരുന്നു.
ഇതുവരെ മുസ്ലീങ്ങൾ ജ്ഞാൻവാപി കാമ്പസിൽ സ്ഥിതി ചെയ്യുന്ന പള്ളിയിൽ നിസ്കരിക്കാനാണ് എത്തിയിരുന്നത് . അതുകൊണ്ട് തന്നെ കാശി വിശ്വനാഥനെ സന്ദർശിക്കാൻ വൻതോതിൽ മുസ്ലീങ്ങൾ എത്തുമെന്ന വാർത്ത കാട്ടുതീ പോലെ പടർന്നതിനെ തുടർന്ന് ഇവരെ കാണാൻ വലിയ ജനക്കൂട്ടം തടിച്ചുകൂടി.
