മാർച്ച് 3 – ആനന്ദ് അംബാനിയുടെയും രാധികാ മർച്ചൻ്റിന്റെയും വിവാഹത്തിന് മുമ്പുള്ള ആഘോഷത്തിന്റെ മൂന്നാം ദിവസമായിരുന്നു . ഷാരൂഖ് ഖാൻ, രൺബീർ കപൂർ, ആലിയ ഭട്ട്, രജനീകാന്ത്, സൽമാൻ ഖാൻ, ദീപിക പദുക്കോൺ തുടങ്ങി നിരവധി താരങ്ങൾ പ്രിവെഡ്ഡിംഗ് ചടങ്ങുകൾക്ക് എത്തിയിരുന്നു. ഗുജറാത്തിലെ ജാംനഗറിലായിരുന്നു ചടങ്ങുകൾ നടന്നത്. അംബാനി കുടുംബത്തിന്റെ ആഘോഷങ്ങൾക്ക് മാറ്റുകൂട്ടിയ സിനിമ താരങ്ങളുടെ ചിത്രങ്ങൾ കാണാം
സൂപ്പർ സ്റ്റാർ രജനികാന്ത് മകൾ ഐശ്വര്യയ്ക്കും ഭാര്യ ലതയ്ക്കുമൊപ്പം കുടുംബ സമേതമാണ് ആഘോഷങ്ങളിൽ പങ്കെടുത്തത്.
രൺബീർ കപൂറിന്റെയും ആലിയ ഭട്ടിന്റെയും പരമ്പരാഗത ശൈലിയിലുള്ള വസ്ത്രധാരണം ഏവരുടെയും ശ്രദ്ധ ആകർഷിച്ചു. കുഞ്ഞിനൊപ്പമാണ് ഇരുവരും ജാംനഗറിലെത്തിയത്. കുടുംബത്തിന്റെ എയർപ്പോർട്ട് ഫോട്ടൊ സമൂഹ മാദ്ധ്യമങ്ങളിൽ വൈറലാണ്.
സൈഫ് അലിഖാനും കരീന കപൂറും അംബാനി കുടുംബത്തിന്റെ പ്രീ-വെഡ്ഡിംഗിന് മൂത്തമകൻ തൈമൂറിനൊപ്പമാണ് എത്തിയത്.
ചുവന്ന സാരിയിൽ റോയൽ ലുക്കിലാണ് ദീപിക പദുകോൺ ചടങ്ങിനെത്തിയത്. തങ്ങൾ കുഞ്ഞിനായി കാത്തിരിക്കുകയാണെന്ന് സന്തോഷം ഏതാനും ദിവസം മുൻപാണ് ദീപികയും രൺവീറും ആരാധകരെ അറിയിച്ചത്.
പരമ്പരാഗത വസ്ത്രമായ ഹാഫ് സാരി ധരിച്ചാണ് ജാൻവി കപൂർ മൂന്നാം ദിവസത്തെ ചടങ്ങിന് എത്തിയത്. ആദ്യത്തെ രണ്ട് ദിവസവും മോഡേൺ ഔട്ട് ലുക്കിലാണ് ജാൻവി പ്രത്യക്ഷപ്പെട്ടത്. താരത്തിന്റെ ഫോട്ടോ ഇൻസ്റ്റഗ്രാമിൽ വൈറലാണ്.
ലഡാക്കിന്റെ പരമ്പരാഗത വസ്ത്രമായ മോഗോയാണ് സോനം കപൂർ പ്രത്യേക ദിനത്തിനായി തിരഞ്ഞെടുത്തത്.
മാധുരി ദീക്ഷിത് ഭർത്താവ് ഡോ. ശ്രീറാം നെനെയ്ക്കൊപ്പമായിരുന്നു ചടങ്ങിന് എത്തിയത്.
അനിൽ കപൂർ ഭാര്യ സുനിത കപൂറിനൊപ്പമാണ് എത്തിയത്. ചടങ്ങിന് ശേഷം ആനന്ദ് അംബാനി, രാധിക മെർച്ചൻ്റ്, മാതാപിതാക്കളായ മുകേഷ് അംബാനി-നിത അംബാനി എന്നിവർക്കൊപ്പമുള്ള ചിത്രങ്ങൾ അനിൽ കപൂർ ഇൻസ്റ്റാഗ്രാമിൽ പങ്കുവെച്ചു.
