ആകാശത്ത് വച്ച് വിമാനത്തിന്റെ ടയർ ഊരിപ്പോയി; അപകടമുണ്ടായത് ജപ്പാനിലേക്ക് പുറപ്പെട്ട എയർക്രാഫ്റ്റിൽ; നാശനഷ്ടം

സാൻഫ്രാൻസിസ്കോ: ടേക്ക് ഓഫ് ചെയ്ത വിമാനത്തിന്റെ ടയർ ഊരിത്തെറിച്ചതിനെ തുടർന്ന് അടിയന്തരമായി ലാൻഡ് ചെയ്തു. അമേരിക്കയിലെ സാൻഫ്രാൻസിസ്കോ അന്താരാഷ്‌ട്ര വിമാനത്താവളത്തിൽ നിന്നും ജപ്പാനിലേക്ക് പുറപ്പെട്ട യുണൈറ്റഡ് എയർലൈൻസിന്റെ ബോയിം​ഗ് 777 വിമാനത്തിലായിരുന്നു സംഭവം. 235 യാത്രക്കാരും 14 ജീവനക്കാരും വിമാനത്തിലുണ്ടായിരുന്നു. എയർക്രാഫ്റ്റിന്റെ ഇടതുവശത്തുള്ള ആറ് ടയറുകളിൽ ഒന്നാണ് ആകാശത്ത് വച്ച് ഊരിപ്പോയത്. ഇതിന്റെ ദൃശ്യങ്ങളും വൈറലായിരിക്കുകയാണ്. വിമാനം ടേക്ക് ഓഫ് ചെയ്ത് നിമിഷങ്ങൾക്കകമായിരുന്നു സംഭവം.

BREAKING: another non-event

United Airlines Boeing 777 lost a tyre while taking off from San Francisco.

No one got injured.

And

The plane landed safely. pic.twitter.com/QtOmht2OMs

— Enlightenment (@yesknow) March 8, 2024

അതേസമയം ഊരിപ്പോയ ടയർ എയർപോർട്ടിൽ നിർത്തിയിട്ടിരുന്ന കാറിലാണ് വന്നുപതിച്ചത്. അപകടത്തിൽ ആളപായമില്ലെങ്കിലും കാറിന്റെ പിൻവശത്തിന് കാര്യമായ കേടുപാടുകൾ സംഭവിച്ചിട്ടുണ്ട്. സാൻഫ്രാൻസിസ്കോ എയർപോർട്ടിൽ ജീവനക്കാരുടെ വാഹനങ്ങൾ പാർക്ക് ചെയ്തിരിക്കുന്ന സ്ഥലത്താണ് ടയർ പതിച്ചത്.

2022ൽ നിർമ്മിച്ച വിമാനമാണ് ബോയിം​ഗ് 777. ടയറുകൾക്ക് കേടുപാടുകൾ സംഭവിച്ചാലോ ഊരിത്തെറിച്ചാലോ അപകടം കൂടാതെ ലാൻഡ് ചെയ്യാൻ സാധിക്കുന്ന വിധമാണ് വിമാനത്തിന്റെ രൂപകൽപന. ടയർ ഊരിപ്പോയതിന് പിന്നാലെ ലോസ് ആഞ്ചൽസ് വിമാനത്താവളത്തിൽ എയർക്രാഫ്റ്റ് ലാൻഡ് ചെയ്തിരുന്നു. നിലവിലുണ്ടായ സംഭവം ഫെഡറൽ ഏവിയേഷൻ അഡ്മിനിസ്ട്രേഷൻ അന്വേഷിക്കുമെന്ന് അധികൃതർ അറിയിച്ചു.