ലക്നൗ: പ്രധാനമന്ത്രി ഇന്ന് ലോക്സഭ മണ്ഡലത്തിൽ. വൈകുന്നേരം ഏഴ് മണിയോടെയാകും പ്രധനസേവനകൻ വാരാണസിയിലെത്തുക. ബാബത്പൂരിലെ ബഹദൂർ ശാസ്ത്രി അന്താരാഷ്ട്ര വിമാനത്താവളം മുതൽ കാശി ക്ഷേത്രം വരെയുള്ള 28 കിലോമീറ്റർ ദൂരത്തിൽ റോഡ് ഷോ നടത്തും. തുടർന്ന് കാശി വിശ്വനാഥ ക്ഷേത്രത്തിൽ ദർശനം നടത്തി പ്രാർത്ഥനയിലും പൂജയിലും സംബന്ധിക്കും.
ആയിരക്കണക്കിന് കർഷകരാകും പ്രധാനമന്ത്രിയെ സ്വീകരിക്കാനെത്തുക. തുടർന്ന് പ്രവർത്തകരും കർഷകരും ചേർന്ന് കാവി തലപ്പാവ് സമ്മാനിക്കുമെന്ന് കാശി മേഖല ബിജെപി കിസാൻ മോർച്ച ജനറൽ സെക്രട്ടറി ജൈനനാഥ് മിശ്ര പറഞ്ഞു. ബാബത്പൂരിൽ നിന്ന് ബിഎൽഡബ്ല്യു അതിഥി മന്ദിരത്തിലേക്ക് 18 സ്വാഗത കേന്ദ്രങ്ങൾ ഒരുക്കിയിട്ടുള്ളതെന്നും അദ്ദേഹം പറഞ്ഞു. ബിജെപി പ്രവർത്തകരുമായി പ്രധാനമന്ത്രി കൂടിക്കാഴ്ച നടത്തുമെന്നും വൃത്തങ്ങൾ അറിയിച്ചു. ബിഎൽഡബ്ല്യു അതിഥി മന്ദിരത്തിലാകും പ്രധാനമന്ത്രി രാത്രിയിൽ താമസിക്കുക.