മുംബൈ:പശ്ചിമ റെയിൽവേയുടെ ആറാമത്തെ വന്ദേ ഭാരത് എക്സ്പ്രസ് നാളെ പ്രധാനമന്ത്രി നരേന്ദ്രമോദി ഉദ്ഘാടനം ചെയ്യും.അഹമ്മദാബാദ്-മുംബൈ സെൻട്രൽ വന്ദേ ഭാരതിന്റെ ഉദ്ഘാടനവും അഹമ്മദാബാദ്-ജാംനഗർ ഓഖയിലേക്ക് നീട്ടുന്നതുമാണ് രാവിലെ 9ന് പ്രധാനമന്ത്രി നരേന്ദ്ര മോദി വീഡിയോ കോൺഫറൻസ് വഴി ഫ്ലാഗ് ഓഫ് ചെയ്യുന്നതെന്ന് ചീഫ് പിആർഒ സുമിത് ഠാക്കൂർ അറിയിച്ചു. 13 മുതൽ പതിവ് സർവീസുകൾ ആരംഭിക്കും
അഹമ്മദാബാദ്-മുംബൈ സെൻട്രൽ വന്ദേ ഭാരത് സൂപ്പർ ഫാസ്റ്റ് എക്സ്പ്രസ് ഞായറാഴ്ച ഒഴികെയുള്ള ദിവസങ്ങളിൽ ഓടും. ട്രെയിൻ നമ്പർ 22962 അഹമ്മദാബാദ്-മുംബൈ സെൻട്രൽ വന്ദേ ഭാരത് അഹമ്മദാബാദിൽ നിന്ന് രാവിലെ 6.10 ന് പുറപ്പെട്ട് 11.35 ന് മുംബൈ സെൻട്രലിൽ എത്തിച്ചേരും.
തിരിച്ച് ട്രെയിൻ നമ്പർ 22961 മുംബൈ സെൻട്രലിൽ നിന്ന് ഉച്ചകഴിഞ്ഞ് 3.55 ന് പുറപ്പെട്ട് രാത്രി 9.25 ന് അഹമ്മദാബാദിലെത്തും.വഡോദര, സൂറത്ത്, വാപി, ബോറിവലി എന്നീ സ്റ്റേഷനുകളിൽ ട്രെയിൻ നിർത്തും. ട്രെയിനിൽ എസി ചെയർ കാറും എക്സിക്യൂട്ടീവ് ചെയർ കാറും ഉൾപ്പെടുത്തിയിട്ടുണ്ട്.
