റിലീസ് തീയതി പ്രഖ്യാപിച്ച് ‘ജെഎൻയു’. ചിത്രത്തിന്റെ അണിയറ പ്രവർത്തകരാണ് ഫസ്റ്റ് ലുക്ക് പോസ്റ്ററും റിലീസ് തീയതിയും പ്രഖ്യാപിച്ചത്. ഏപ്രിൽ അഞ്ചിനാണ് ചിത്രത്തിന്റെ റിലീസ്. ‘ജെഎൻയു: ജഹാംഗീർ നാഷണൽ യുണിവേഴ്സിറ്റി‘ എന്നാണ് ചിത്രത്തിന്റെ പേര്. രാജ്യത്തെ സർവ്വകലാശാലകളിൽ നടക്കുന്ന ദേശവിരുദ്ധതയെ ചൂണ്ടികാണിക്കുന്നതാണ് ചിത്രത്തിന്റെ പ്രമേയം.
ഫസ്റ്റ് ലുക്കിലും ചിത്രത്തിന്റെ പ്രമേയത്തെ ശക്തമായി അടയാളപ്പെടുത്തുകയാണ് അണിയറ പ്രവർത്തകർ. ‘കാൻ വൺ എഡ്യുക്കേഷണൽ യുണിവേഴ്സിറ്റി ബ്രേക്ക് ദി നേഷൻ‘ എന്ന് കുറിച്ച ഭാരതത്തിന്റെ ഭൂപടത്തെ കൈകളിൽ ഞെരുക്കുന്നതാണ് ഫസ്റ്റ് ലുക്ക് പോസ്റ്ററിൽ നൽകിയിട്ടുള്ള ചിത്രം. വിദ്യാഭ്യാസത്തിന്റെ അടഞ്ഞ മതിലുകൾക്ക് പിന്നിൽ രാജ്യത്തെ തകർക്കാനുള്ള ഗൂഢാലോചന എന്നാണ് സിനിമാ നിരൂപകൻ തരൺ ആദർശ് ചിത്രത്തിന്റെ പോസ്റ്റർ പങ്കുവച്ചുകൊണ്ട് കുറിച്ചത്.
വിനയ് ശർമ്മയാണ് ചിത്രത്തിന്റെ സംവിധാനം. മഹാകാൽ മൂവീസ് പ്രേക്ഷകരിലേക്ക് എത്തിക്കുന്ന ചിത്രം പ്രതിമ ദത്തയാണ് നിർമ്മിച്ചിരിക്കുന്നത്. ഉർവ്വശി റൗട്ടാല, സിദ്ധാർത്ഥ് ബോഡ്കെ. പീയുഷ് മിശ്ര, രശ്മി ദേശായി, സോന്നാലി സെയ്ഗാൾ, രവി കിഷൻ, വിജയ് റാസ് എന്നിവർ ചിത്രത്തിൽ വേഷമിടുന്നു.
