ന്യൂഡൽഹി ; പൗരത്വ ഭേദഗതി നിയമം നടപ്പിലാക്കിയ ശേഷം ആദ്യം പൗരത്വം നൽകിയത് 13 പാകിസ്താൻ ഹിന്ദുകൾക്ക് . ഗുജറാത്തിലെ മോർബിയിൽ താമസിക്കുന്ന കുടുംബങ്ങളിൽ ഉൾപ്പെട്ടവരാണിവർ . എംഎൽഎ കാന്തിലാൽ അമൃതിയയുടെ സാന്നിധ്യത്തിലായിരുന്നു ചടങ്ങ് . രണ്ട് പതിറ്റാണ്ടായി മോർബിയിൽ ഇവർ താമസിക്കുന്നുണ്ട് .
ഇവരിൽ പലരും പാകിസ്താനിലെ ന്യൂനപക്ഷപീഡനങ്ങളിൽ ഭയന്നും , മാന്യമായ സാഹചര്യങ്ങളിൽ ജീവിക്കാനുമായി പാകിസ്താൻ വിട്ടവരാണ് . വർഷങ്ങളായി ഇന്ത്യയിൽ താമസിക്കുന്നുണ്ടെങ്കിലും , തങ്ങൾക്ക് ഇന്ത്യൻ പൗരന്മാരാണെന്ന് പറയാൻ ആകുന്നില്ലെന്ന വിഷമത്തിലായിരുന്നു ഇവർ . എന്നാൽ ഇന്ന് ഇവർ പ്രധാനമന്ത്രി നരേന്ദ്രമോദിയോട് നന്ദി പറയുകയാണ്.
പാകിസ്താന്‍, ബംഗ്ലാദേശ്, അഫ്ഗാനിസ്ഥാന്‍ എന്നീ രാജ്യങ്ങളിലെ ആറ് ന്യൂനപക്ഷ മതവിഭാഗത്തില്‍ പെട്ടവര്‍ക്ക് ഇന്ത്യന്‍ പൗരത്വം നല്‍കുന്നതിനുള്ള നടപടികള്‍ ആണ് കേന്ദ്രം ആരംഭിച്ചിരിക്കുന്നത് .
