അയോദ്ധ്യ രാമക്ഷേത്രത്തിൽ ദർശനം നടത്തി നടൻ രാം ചരണിന്റെ ഭാര്യ ഉപാസന കാമിനേനി കൊനിഡേല . മുത്തശ്ശി സുചരിത റെഡ്ഡി, മുത്തച്ഛനും, അപ്പോളോ ഗ്രൂപ്പ് സ്ഥാപകനും ചെയർമാനുമായ പ്രതാപ് സി റെഡ്ഡിയും ഒപ്പമുണ്ടായിരുന്നു . അയോദ്ധ്യ ദർശനത്തിന്റെ ചിത്രങ്ങളും ഉപാസന സോഷ്യൽ മീഡിയയിൽ പോസ്റ്റ് ചെയ്തു .
“ഒരു ആഗ്രഹം സഫലമായി . ഒരു സ്വപ്നം സാക്ഷാത്കരിക്കപ്പെട്ടു. അയോദ്ധ്യ – ലളിതമാണ് ഏറ്റവും ദൈവികമായ അനുഭവം. ഈ യാത്ര അവിസ്മരണീയമാക്കിയതിന് നന്ദി “ എന്നാണ് ചിത്രങ്ങൾക്കൊപ്പം ഉപാസന കുറിച്ചത് . ഇതിന് ജയ് ശ്രീറാം വിളികളോടെയാണ് ആരാധകർ പ്രതികരിച്ചത് . മഞ്ഞ വസ്ത്രം ധരിച്ച് മുത്തച്ഛനോടൊപ്പം ക്ഷേത്രത്തിലേക്ക് പോകുന്ന വീഡിയോയും ഉപാസന പങ്കുവെച്ചിട്ടുണ്ട് .
ഉപാസനയുടെയും , പ്രതാപ് റെഡ്ഡിയുടെയും നേതൃത്വത്തിൽ അടുത്തിടെ അയോദ്ധ്യയിൽ അപ്പോളോ ഹോസ്പിറ്റൽ സർവീസ് ആരംഭിച്ചിരുന്നു. ‘ രാം ലല്ലയുടെ അനുഗ്രഹത്തോടെ, അയോദ്ധ്യ സന്ദർശിക്കുന്ന തീർഥാടകർക്ക് ഒരു സേവനമായി ഞങ്ങളുടെ സൗജന്യ എമർജൻസി കെയർ സെൻ്റർ തുറക്കുമെന്ന് പ്രഖ്യാപിക്കുന്നതിൽ അപ്പോളോ ഫൗണ്ടേഷന് സന്തോഷമുണ്ട്“ എന്നും ഉപാസന പറഞ്ഞിരുന്നു .