അശ്ലീല ഉള്ളടക്കം..! യെസ്മ, പ്രൈം പ്ലേ അടക്കമുള്ള ഒടിടി പ്ലാറ്റ്ഫോമുകളും അക്കൗണ്ടുകളും നിരോധിച്ചു; ലിസ്റ്റ് പുറത്തുവിട്ട് കേന്ദ്രം

അശ്ലീല ഉള്ളടക്കമുള്ള ഒടിടി പ്ലാറ്റ്ഫോമുകളെയും വെബ്സൈറ്റുകളെയും നിരോധിച്ചതായി വാ‍ർത്താ വിതരണ പ്രേക്ഷപണ മന്ത്രാലയം അറിയിച്ചു. നിരവധി തവണ മുന്നറിയിപ്പുകൾ നൽകിയ ശേഷമാണ് നടപടി. 19 വെബ്‌സൈറ്റുകൾ, 10 ആപ്പുകൾ, ഒടിടി പ്ലാറ്റ്‌ഫോമുകളുടെ 57 സോഷ്യൽ മീഡിയ ഹാൻഡിലുകൾ എന്നിവയാണ് രാജ്യവ്യാപകമായി ബ്ലോക്ക് ചെയ്തതായി സർക്കാർ വ്യക്തമാക്കിയത്.

നിരോധിച്ച 10 ആപ്പുകളിൽ ഏഴെണ്ണം ഗൂഗിൾ പ്ലേ സ്റ്റോറിലും മൂന്നെണ്ണം ആപ്പിൾ ആപ്പ് സ്റ്റോറിലും ലഭ്യമാണ്. ഇവരുടെ ഉള്ളടക്കം അശ്ലീലവും സ്ത്രീയെ അപമാനിക്കുന്ന തരത്തിൽ ചിത്രീകരിക്കുന്നതുമാണെന്ന് ഇൻഫർമേഷൻ ആൻഡ് ബ്രോഡ്‌കാസ്റ്റിംഗ് മന്ത്രാലയം കണ്ടെത്തി.

മേൽപ്പറഞ്ഞ പ്ലാറ്റ്‌ഫോമുകളിലെ ഉള്ളടക്കം ഐടി ആക്ടിലെ സെക്ഷൻ 67, 67 എ, ഐപിസിയുടെ സെക്ഷൻ 292, എന്നിവ ലംഘിച്ചെന്നും മന്ത്രാലയം വ്യക്തമാക്കി. OTT പ്ലാറ്റ്‌ഫോമുകൾ അവരുടെ വെബ്‌സൈറ്റുകളിലേക്കും ആപ്പുകളിലേക്കും പ്രേക്ഷകരെ ആകർഷിക്കാൻ ലക്ഷ്യമിട്ടുള്ള ട്രെയിലറുകൾ, അശ്ലീല സീനുകൾ, ബാഹ്യ ലിങ്കുകൾ എന്നിവ പ്രചരിപ്പിക്കുന്നതിന് സോഷ്യൽ മീഡിയയെ വ്യാപകമായി ഉപയോഗിച്ചു. ബന്ധപ്പെട്ട OTT പ്ലാറ്റ്‌ഫോമുകളുടെ സോഷ്യൽ മീഡിയ അക്കൗണ്ടുകൾക്ക് 32 ലക്ഷത്തിലധികം ഉപയോക്താക്കളുണ്ടെന്നും മന്ത്രാലയം പ്രസ്താവനിൽ വ്യക്തമാക്കി.

Ministry of I&B blocks 18 OTT platforms for obscene and vulgar content after multiple warnings; 19 websites, 10 apps, 57 social media handles of OTT platforms blocked nationwide, says the government. pic.twitter.com/03ojj3YEiF

— ANI (@ANI) March 14, 2024

“>