തിരുവനന്തപുരം: ഓപ്പറേഷൻ ജാവ സംവിധായകൻ തരുൺ മൂർത്തി മോഹൻലാലിനാെപ്പം ഒരുമിക്കുന്ന ചിത്രത്തിന്റെ പുത്തൻ അപ്ഡേറ്റ് പുറത്തുവിട്ടു.കഴിഞ്ഞ ദിനസം ചിത്രം പ്രഖ്യാപിച്ച പോസ്റ്റർ പുറത്തിറക്കിയിരുന്നു. ഇന്ന് സംവിധായകനും നിർമാതാവിനുമൊപ്പമുള്ള ചിത്രം പങ്കുവച്ചുകൊണ്ട് മോഹൻലാലാണ് പുതിയ അപ്ഡേറ്റ് അറിയിച്ചത്.
ചിത്രത്തിന്റെ ഷൂട്ടിംഗ് ഏപ്രിൽ തുടങ്ങുമെന്നാണ് മോഹൻലാൽ വ്യക്തമാക്കിയത്. സംവിധായകന്‍ തരുൺ മൂർത്തി, നിര്‍മാതാവ് എം.രഞ്ജിത്ത്, ചിത്രത്തിന്റെ രചയിതാവും പ്രശസ്ത ഫോട്ടോഗ്രാഫറുമായ കെ.ആര്‍ സുനില്‍ എന്നിവര്‍ക്കൊപ്പമുള്ള ചിത്രമാണ് മോഹൻലാൽ സോഷ്യൽ മീഡിയയിൽ പങ്കുവച്ചത്.
സൗദി വെള്ളയ്‌ക്കയ്‌ക്ക് ശേഷം തരുൺമൂർത്തി സംവിധാനം ചെയ്യുന്ന സിനിമയാണ് താത്കാലികമായി എൽ 360 എന്ന് പേരിട്ടിരിക്കുന്ന ചിത്രം.മലയാളത്തിന്‍റെ യുവ സംവിധായകരിൽ പ്രമുഖനായ തരുൺ മൂർത്തിക്കൊപ്പം സൂപ്പർ താരം ഒരുമിക്കുന്നതിൽ ആരാധകരും ഏറെ പ്രതീക്ഷയിലാണ്.
