മലയാളികളുടെ പ്രിയപ്പെട്ട താരകുടുംബമാണ് ദിലീപിന്റേത്. സമൂഹമാദ്ധ്യമങ്ങളിലൂടെയും മറ്റും താരകുടുംബത്തിന്റെ വിശേഷങ്ങൾ അറിയാൻ ആരാധകർ എപ്പോഴും താത്പര്യം കാണിക്കാറുണ്ട്.
ദിലീപും മൂത്തമകൾ മീനാക്ഷിയും സമൂഹമാദ്ധ്യമങ്ങളിൽ സജീവമാണെങ്കിലും അടുത്ത കാലത്താണ് കാവ്യ മാധവൻ സോഷ്യൽ മീഡിയാ പ്ലാറ്റ്‌ഫോമുകളിൽ സജീവമായത്.
ഇൻസ്റ്റഗ്രാമിലൂടെ കാവ്യ പങ്കുവക്കുന്ന പോസ്റ്റുകൾ ഏറെ ശ്രദ്ധ നേടാറുണ്ട്. അക്കൂട്ടത്തിൽ മീനാക്ഷി ദിലീപിന്റെ പിറന്നാൾ ദിനത്തിൽ പങ്കുവച്ചിരിക്കുന്ന ചിത്രങ്ങളാണ് ഇപ്പോൾ ആരാധകർ ഏറ്റെടുത്തിരിക്കുന്നത്.
‘ പ്രിയപ്പെട്ട മീനൂട്ടിയ്ക്ക് പിറന്നാൾ ആശംസകൾ’ എന്ന കുറിപ്പോടെയാണ് കാവ്യ ചിത്രങ്ങൾ പോസ്റ്റ് ചെയ്തത്.
മീനാക്ഷിയും മാമാട്ടിയും ഒരുമിച്ചുള്ള അപൂർവ്വ ചിത്രങ്ങളാണ് കാവ്യ പങ്കിട്ടിരിക്കുന്നത്. മാമാട്ടിയ്‌ക്ക് ഒരു വയസ് ആകുന്നതിന് മുമ്പുള്ള ചിത്രങ്ങളാണ് ഇക്കൂട്ടത്തിൽ ഏറെയും.
പോസ്റ്റിന് ചുവടെ നിരവധിപ്പേരാണ് മീനാക്ഷിയ്‌ക്ക് പിറന്നാൾ ആശംസകളുമായി എത്തിയിരിക്കുന്നത്.
