ഒന്ന് പരീക്ഷിച്ചു നോക്കൂ; മല്ലിയില ചേർത്ത നാല് വ്യത്യസ്ത രുചികൾ

ഭക്ഷണത്തിന്റെ അഴകിന് വേണ്ടി കറിയിലും മറ്റ് വിഭവങ്ങളിലും മല്ലിയില വിതറിയിടുന്നവരുണ്ട്. എന്നാൽ ആഹാരത്തിന് മോടി പിടിപ്പിക്കാൻ മാത്രമല്ലെ ഭക്ഷണത്തെ രുചികരമാക്കുന്നതിലും മല്ലിയിലയുടെ പങ്ക് വലുതാണ്. മല്ലിയിലയിൽ ഉയർന്ന അളവിൽ പോഷകങ്ങളും ആന്റി-ഓക്‌സിഡന്റുകളും അടങ്ങിയിട്ടുണ്ട്. ഇതിനുപുറമെ ആന്റി ഫംഗൽ ഗുണങ്ങളും ഇതിനുണ്ട്. ഇന്ത്യയിൽ പൊതുവെ ചട്നി ഉണ്ടാക്കാൻ മല്ലിയിലെ ഉപയോഗിച്ച് വരുന്നു. എന്നാൽ ചട്നിക്കു മാത്രമല്ല നിരവധി ഭക്ഷണ സാധനങ്ങളുണ്ടാക്കാൻ മല്ലിയിലെ ഉപയോഗിക്കാം.

മല്ലിയില ചേർത്ത ചോറ്:

ഒരുപിടി മല്ലിയില നന്നായി അരിഞ്ഞത് അരിയും വെള്ളവും സഹിതം റൈസ് കുക്കറിൽ ചേർക്കുക. ഇത് ഭക്ഷണത്തിന് ഏറെ ഉന്മേഷദായകമായ രുചി പ്രദാനം ചെയ്യും.

മല്ലി പെറോട്ട :

നിങ്ങൾക്ക് പെറോട്ടയുടെ ഒപ്പം മല്ലിയില ഉൾപ്പെടുത്താം. ഗോതമ്പ് പൊടി, വെള്ളം, ഉപ്പ്, അല്പം അരിഞ്ഞ മല്ലിയില എന്നിവ ചേർത്ത് പെറോട്ടയുടെ മാവ് തയ്യാറാക്കുക. അതിനുശേഷം സാധാരണ പെറോട്ട ഉണ്ടാക്കുന്നതുപോലെ തന്നെ തയ്യാറാക്കാം.

സാമ്പാർ :
സാമ്പാർ ഉൾപ്പെടയുള്ള നമ്മുടെ കറികളിൽ മല്ലിയില ചേർത്ത് പാകം ചെയ്യാവുന്നതാണ്.

മല്ലിയില ജ്യൂസ്:

200 എംഎൽ വെള്ളത്തിലേക്ക് നാരങ്ങനീര്, ഇഞ്ചി, വെള്ളരിക്ക, അരിഞ്ഞ കുറച്ച് മല്ലിയില, ഒരു നുള്ള് ഉപ്പ് എന്നിവ ചേർക്കുക. ഇത് നല്ല പേസ്റ്റ് രൂപത്തിലാകുന്നവരെ മിക്‌സിയിൽ അടിച്ചെടുക്കുക. ഇത് അരിച്ചെടുത്ത് ഐസ് ചേർത്ത് രുചികരമായ മല്ലിയില ജ്യൂസ് ഉണ്ടാക്കാം.