ഭോപ്പാൽ : മദ്ധ്യപ്രദേശിലെ മഹാകാൽ ക്ഷേത്രത്തിൽ തീപിടിത്തം . ഭസ്മ ആരതിക്കിടെയാണ് ശ്രീകോവിലിൽ തീപിടിത്തമുണ്ടായത് . അപകടത്തിൽ അഞ്ച് പൂജാരിമാർക്കും നാല് ഭക്തരുമടക്കം 13 പേർക്ക് പൊള്ളലേറ്റതായാണ് വിവരം.
ശ്രീകോവിലിന് സമീപം സ്ഥാപിച്ച പന്തലിന്റെ ഒരു ഭാഗം തീപിടിച്ച് ഭക്തരുടെ മേൽ പതിക്കുകയായിരുന്നുവെന്നാണ് റിപ്പോർട്ട് . പരിക്കേറ്റവരെ ജില്ലാ ആശുപത്രിയിൽ പ്രവേശിപ്പിച്ചു. എല്ലാവരും അപകടനില തരണം ചെയ്തു
ഭസ്മ ആരതി പൂജ നടക്കുന്നതിനിടെയാണ് തീപിടിത്തമുണ്ടായതെന്ന് ഉജ്ജയിൻ കളക്ടർ നീരജ് കുമാർ സിംഗ് പറഞ്ഞു. ഇത് സംബന്ധിച്ച് അന്വേഷണം നടത്തും. തീപിടിത്തത്തിന് കാരണമായ കാര്യങ്ങളെ കുറിച്ച് പ്രാഥമിക അന്വേഷണം നടത്തുമെന്നും അദ്ദേഹം പറഞ്ഞു.