ജന്മദിനത്തിൽ തിരുപ്പതി ക്ഷേത്രത്തിൽ ദർശനം നടത്തി തെലുങ്ക് സൂപ്പർ താരം രാം ചരൺ. ഭാര്യ ഉപാസന കാമിനേനി, മകൾ ക്ലിൻ കാര, അമ്മയും അടുത്ത ചില ബന്ധുക്കളും നടനോടൊപ്പം ക്ഷേത്ര ദർശനത്തിനായി എത്തിയിരുന്നു. നടൻ ക്ഷേത്ര ദർശനം നടത്തുന്നതിന്റെ വീഡിയോ സമൂഹമാദ്ധ്യമങ്ങളിൽ വൈറലാവുകയാണ്.
View this post on Instagram
പരമ്പരാഗത വസ്ത്രം ധരിച്ചാണ് രാം ചരൺ ക്ഷേത്രത്തിൽ എത്തിയത്. സിൽക്ക് കുർത്തയും ധോത്തിയുമായിരുന്നു താരത്തിന്റെ വേഷം. അതിരാവിലെയാണ് താരകുടുംബം ക്ഷേത്രത്തിൽ എത്തിയത്. ക്ഷേത്ര ദർശനത്തിന് ശേഷമുള്ള ചിത്രങ്ങൾ ഉപാസനയും സോഷ്യൽ മീഡിയയിൽ പങ്കുവച്ചു.
മകൾ ക്ലിൻ കാര ജനച്ചതിന് ശേഷമുള്ള ആദ്യ ജന്മദിനമാണ് ഇത്. മകൾക്കൊപ്പമായിരിക്കും ആഘോഷങ്ങൾ എന്നും ക്ഷേത്ര ദർശനത്തിന് ശേഷം അദ്ദേഹം പറഞ്ഞു.
39-ാമത് ജന്മദിനം ആഘോഷിക്കുന്ന താരത്തിന് നിരവധി പേരാണ് ആശംസകൾ അറിയിച്ചത്. ബന്ധുവും തെലുങ്ക് സൂപ്പർ താരവുമായ അല്ലു അർജുൻ, നടൻ ജൂനിയർ എൻടിആർ എന്നിവർ സമൂഹമാദ്ധ്യമങ്ങളിലൂടെ അദ്ദേഹത്തിന് ആശംസകൾ അറിയിച്ചു. സംവിധായകൻ ശങ്കർ ഷൺമുഖം സംവിധാനം ചെയ്യുന്ന ഗെയിം ചേഞ്ചർ ചിത്രത്തിലാണ് ഇപ്പോൾ രാം ചരൺ അഭിനയിക്കുന്നത്. നടന്റെ ജന്മദിനത്തോടനുബന്ധിച്ച് ചിത്രത്തിലെ ആദ്യഗാനം പുറത്തുവിട്ടു.