തൃഷയും വിജയ് സേതുപതിയും കേന്ദ്രകഥാപാത്രങ്ങളായെത്തിയ ചിത്രമാണ് ’96’. ചിത്രത്തിൽ തൃഷയുടെയും വിജയ് സേതുപതിയുടെയും ചെറുപ്പകാലം അഭിനയിച്ചത് ഗൗരിയും ആദിത്യ ഭാസ്കറുമായിരുന്നു. ഇരുവരും വിവാഹം കഴിഞ്ഞെന്ന തരത്തിലെ ചിത്രങ്ങളാണ് സമൂഹമാദ്ധ്യമങ്ങളിൽ കഴിഞ്ഞ ദിവസം മുതൽ പ്രചരിക്കുന്നത്.
ചിത്രങ്ങൾ വൈറലായതോടെ ഇതിന് പിന്നിലെ സസ്പെൻസും പൊളിഞ്ഞു. ഹോട്ട്സ്പോട്ട് എന്ന ചിത്രത്തിന്റെ ലൊക്കേഷൻ ചിത്രങ്ങളാണിവ. ഗൗരിയും ആദിത്യ ഭാസ്കറും ഒന്നിച്ചെത്തുന്ന തമിഴ് ചിത്രമാണ് ഹോട്ട് സ്പോട്ട്. വിഘ്നേഷ് കാര്ത്തിക്കാണ് ചിത്രത്തിന്റെ സംവിധാനം. കലൈയരശൻ, സാൻഡി മാസ്റ്റർ, ജനനി, ആദിത്യ അമ്മു അഭിരാമി തുടങ്ങിയ യുവതാര നിരയാണ് റൊമാന്റിക് കോമഡിയായ ചിത്രത്തില് അഭിനയിക്കുന്നത്.
റാമുവും ജാനുവും പാരലൽ യൂണിവേഴ്സിൽ എന്ന അടിക്കുറിപ്പോടെ ഗൗരിയാണ് ചിത്രങ്ങൾ സമൂഹമാദ്ധ്യമങ്ങളിൽ പങ്കിട്ടത്. ഗൗരി ഇപ്പോൾ മലയാളസിനിമകളിലും അഭിനയിക്കുന്നുണ്ട്. മലയാളികളാണ് ഗൗരിയുടെ അച്ഛനും അമ്മയും. മലയാളത്തിൽ മാർഗംകളി, അനുഗ്രഹീതൻ ആന്റണി, അനുരാഗം, ലിറ്റിൽ മിസ് റാവുത്തർ, ഒരു സർക്കാർ ഉത്പന്നം എന്നീ ചിത്രങ്ങളിൽ ഗൗരി അഭിനയിച്ചിട്ടുണ്ട്.
View this post on Instagram
