ചെന്നൈ ; അന്തരിച്ച പ്രശസ്ത തമിഴ് സിനിമാ നടൻ ഡാനിയൽ ബാലാജിയുടെ കണ്ണുകൾ ദാനം ചെയ്തു .ഹൃദയാഘാതത്തെ തുടർന്ന് ചെന്നൈയിലെ കോട്ടിവാകത്തെ ആശുപത്രിയിൽ വച്ചായിരുന്നു ഡാനിയേൽ ബാലാജിയുടെ അന്ത്യം. മൃതദേഹം ചെന്നൈയിലെ പുരശൈവാക്കം വരദമ്മൽ കോളനിയിലെ വസതിയിൽ സൂക്ഷിച്ചിരിക്കുകയാണ്.
നേരത്തേ തന്നെ തന്റെ കണ്ണുകൾ ദാനം ചെയ്യുന്നതിനുള്ള സമ്മതപത്രം അദ്ദേഹം നൽകിയിരുന്നു . ഇതനുസരിച്ചാണ് താരത്തിന്റെ കണ്ണുകൾ ദാനം ചെയ്തത് . ഇന്ന് വൈകിട്ടാണ് ഡാനിയേൽ ബാലാജിയുടെ സംസ്ക്കാര ചടങ്ങുകൾ നടക്കുക .സംവിധായകരായ വെട്രിമാരൻ, ഗൗതം മേനോൻ എന്നിവർ ഡാനിയൽ ബാലാജിയുടെ വസതിയിലെത്തി അന്തിമോപചാരം അർപ്പിച്ചു.
തമിഴിലെ സൂപ്പർ ഹിറ്റ് സീരിയൽ ചിത്തിയിലാണ് ആദ്യമായി വേഷമിട്ടത്. ഡാനിയൽ എന്നായിരുന്നു കഥാപാത്രത്തിന്റെ പേര്. 2002-ലെ തമിഴ് റൊമാന്റിക് ഡ്രാമ ഏപ്രിൽ മാസത്തിൽ എന്ന ചിത്രത്തിലൂടെയാണ് സിനിമാ ജീവിതത്തിന്റെ തുടക്കം. കമൽഹാസന്റെ വേട്ടയാട് വിളയാട്, സൂര്യയുടെ കാക്ക കാക്ക, ധനുഷിന്റെ വട ചെന്നൈ, തുടങ്ങിയ സിനിമകളിൽ മികച്ച കഥാപാത്രങ്ങൾ ലഭിച്ചിരുന്നു.
