രൺദീപ് ഹൂഡ നായകനായ ‘സ്വാതന്ത്ര്യവീർ സവർക്കർ’ എന്ന ചിത്രം ഏറെ അഭിനന്ദനങ്ങൾ ഏറ്റുവാങ്ങി മുന്നോട്ട് പോകുകയാണ് . പ്രേക്ഷകർക്കൊപ്പം വിവിധ താരങ്ങളും സോഷ്യൽ മീഡിയയിൽ ചിത്രത്തെ പ്രശംസിച്ച് സംസാരിച്ചിരുന്നു . സംവിധായകൻ പ്രവീൺ ടാർഡെ, നടൻ സൗരഭ് ഗോഖലെ, സുപ്രിയ പിൽഗോങ്കർ എന്നിവരും ഈ ചിത്രത്തെക്കുറിച്ച് പ്രത്യേക പോസ്റ്റുകൾ പങ്ക് വച്ചിരുന്നു. ഇപ്പോഴിതാ നടൻ പ്രസാദ് ഓക്ക് ‘സ്വാതന്ത്ര്യവീർ സവർക്കർ’ എന്ന സിനിമയെക്കുറിച്ച് പ്രസാദ് തന്റെ ഇൻസ്റ്റാഗ്രാം അക്കൗണ്ടിൽ എഴുതിയ കുറിപ്പാണ് ചർച്ചയായിരിക്കുന്നത്. വ്യാജ പോസ്റ്റുകൾ ശ്രദ്ധിക്കരുതെന്ന് അദ്ദേഹം ഈ പോസ്റ്റിൽ ആരാധകരോട് അഭ്യർത്ഥിച്ചു.
”സ്വാതന്ത്ര്യവീർ സവർക്കർ” .. അതിശയിപ്പിക്കുന്ന സിനിമ! വളരെ ഉൾക്കാഴ്ചയുള്ളതും നന്നായി ചിന്തിക്കുന്നതുമായ ലേഔട്ട്. വളരെ തെളിമയുള്ള അഭിനയം. മികച്ച തിരക്കഥ. ഫലപ്രദമായ പശ്ചാത്തല സംഗീതം. രൺദീപ് ഹൂഡയ്ക്കും അങ്കിത ലോഖണ്ഡേയ്ക്കും മുഴുവൻ ടീമിനും ഹൃദയം നിറഞ്ഞ അഭിനന്ദനങ്ങൾ. ചിത്രം ഇപ്പോൾ മറാത്തിയിലും റിലീസ് ചെയ്തു. നമ്മുടെ സുഹൃത്ത് സുബോധ് ഭാവെയാണ് സവർക്കറിന് ശബ്ദം നൽകിയത്. വ്യാജ പോസ്റ്റുകൾ ഒന്നും ശ്രദ്ധിക്കരുത്. മികച്ച പ്രതികരണവുമായി ചിത്രം മുന്നേറുകയാണ്. ഈ അവസരത്തിൽ ഒരിക്കൽ കൂടി സവർക്കർക്ക് വന്ദനം,’ പ്രസാദ് കുറിപ്പിൽ കുറിച്ചു.
മാർച്ച് 22 ന് റിലീസ് ചെയ്ത ചിത്രം ഇന്ത്യയിൽ 13.95 കോടി രൂപ കളക്ഷൻ നേടി. മറാത്തി, ഹിന്ദി എന്നീ രണ്ട് ഭാഷകളിലാണ് ചിത്രം പുറത്തിറങ്ങിയിരിക്കുന്നത്.