മുംബൈ : സ്വതന്ത്ര സമര പോരാളി വീർ സവർക്കറുടെ പോരാട്ട ജീവിതത്തെ ആസ്പദമാക്കിയെടുത്ത ചിത്രം സ്വാതന്ത്ര്യ വീർ സവർക്കർ 15 കോടിയിലേയ്‌ക്ക് . ചിത്രം തിയേറ്ററുകളിൽ റിലീസ് ചെയ്തിട്ട് 11 ദിവസം പിന്നിട്ടിരിക്കുകയാണ് . മാർച്ച് 22ന് ഹിന്ദിയിലും മറാത്തിയിലുമായിട്ടായിരുന്നു റിലീസ് . രൺദീപ് ഹൂഡയാണ് ഈ ചിത്രത്തിൽ വീർ സവർക്കറായി വേഷമിട്ടത്.
‘സ്വാതന്ത്ര്യ വീർ സവർക്കർ’ എന്ന സിനിമ ആദ്യ ദിനം 1.05 കോടിയും രണ്ടാം ദിനം 2.25 കോടിയും മൂന്നാം ദിവസം 2.7 കോടിയും നാലാം ദിവസം 2.15 കോടിയും നേടിയിരുന്നു . 16.30 കോടി രൂപയാണ് 11 ദിവസം കൊണ്ട് ഈ സിനിമയുടെ ആകെ കളക്ഷൻ.
അതേസമയം മഹാരാഷ്‌ട്ര ഉപമുഖ്യമന്ത്രി ദേവേന്ദ്ര ഫഡ്നാവിസ് ചിത്രത്തിന്റെ പ്രത്യേക പ്രദർശനത്തിൽ പങ്കെടുത്തിരുന്നു. ചിത്രത്തിന്റെ അണിയറ പ്രവർത്തകരെ അഭിനന്ദിക്കുകയും ,ഒപ്പം ചിത്രങ്ങൾ എടുക്കുകയും ചെയ്താണ് ഫഡ്നാവിസ് മടങ്ങിയത് . പിന്നാലെ ചിത്രത്തെ പിന്തുണയ്‌ക്കുകയും , പ്രോത്സാഹിപ്പിക്കുകയും ചെയ്തതിന് ഫഡ്നാവിസിന് രൺദീപ് ഹൂഡ നന്ദി പറയുകയും ചെയ്തു . അതേസമയം രാഹുൽ ഗാന്ധി ഈ ചിത്രം തീർച്ചയായും കാണണമെന്നും , അതിനായി താൻ തിയേറ്റർ മുഴുവനും രാഹുലിനായി ബുക്ക് ചെയ്ത് നൽകാമെന്നും ഫഡ്നാവിസ് പറഞ്ഞിരുന്നു.
