ഐപിഎല്ലിൽ ഈ സീസണിൽ നിരാശാജനകമായ തുടക്കമാണ് റോയൽ ചലഞ്ചേഴ്സ് ബെംഗളൂരുവിന് ലഭിച്ചിരിക്കുന്നത്. ഇതുവരെ കളിച്ച നാല് മത്സരങ്ങളിൽ മൂന്നിലും ആർസിബി പരാജയപ്പെടുകയായിരുന്നു. ചെന്നൈ സൂപ്പർ കിംഗ്‌സ്, കൊൽക്കത്ത നൈറ്റ് റെഡേഴ്‌സ്, ലക്‌നൗ സൂപ്പർ ജയന്റ്‌സ് എന്നീ ടീമുകളോട് തോൽവി വഴങ്ങിയപ്പോൾ പഞ്ചാബിനോട് ജയിച്ചത് മാത്രമാണ് ആശ്വാസം. സൂപ്പർതാരങ്ങളായ വിരാട് കോലിയോടും ഗ്ലെൻ മാക്സ്വെല്ലിനോടും അഭ്യർത്ഥനയുമായി രംഗത്തെത്തിയിരിക്കുകയാണ് ബെംഗളൂരു നായകൻ ഫാഫ് ഡുപ്ലെസിസ്.
”ബെംഗളൂരുവിന്റെ വിജയം കയ്യെത്തും ദൂരത്തായിരുന്നു. പവർപ്ലേ ഓവറുകളിൽ ഞങ്ങൾ ഒരുപാട് റൺസ് വഴങ്ങി. മിഡ് ഓവറിലും ഡെത്ത് ഓവറിലും ബൗളർമാർ ഞങ്ങളെ മത്സരത്തിലേക്ക് തിരികെ കൊണ്ടുവന്നു. എന്നിട്ടും 181 എന്ന സ്‌കോറിൽ ലക്‌നൗവിനെ ഒതുക്കാൻ കഴിഞ്ഞു. 10 മുതൽ 15 വരെ റൺസ് കുറവായിരുന്നു അവർക്ക് നേടാനായത്.
ടോപ്പ് ഓർഡറിലുള്ള ബാറ്റർമാർക്ക് പവർപ്ലേയിൽ തിളങ്ങാൻ കഴിഞ്ഞില്ല. വലിയ താരങ്ങളാണ് ടീമിലുള്ളത്. എല്ലാവരും ഒരുമിച്ച് നിന്നാൽ ഇനിയും വിജയിക്കാൻ കഴിയും.റോയൽ ചലഞ്ചേഴ്സ് നിരയിൽ വലിയ താരങ്ങളാണുള്ളത്. എല്ലാവരും ഒരുമിച്ച് നിന്നാൽ ഇനിയും വിജയിക്കാൻ കഴിയും. അടുത്ത മത്സരം മുതൽ ബാറ്റിംഗ് യൂണിറ്റ് കൂടുതൽ ഉത്തരവാദിത്തം കാണിക്കണമെന്നും ശേഷിക്കുന്ന മത്സരങ്ങളിൽ ബാറ്റർമാർ കൂടുതൽ ഉത്തരവാദിത്തത്തോടെ ബാറ്റ് ചെയ്യേണ്ടി വരുമെന്നും ”ഡുപ്ലസിസ് പറഞ്ഞു.
