തിരുവനന്തപുരം: കാലാവസ്ഥാ വകുപ്പിന്റെ പ്രവചനത്തിൽ പരാമർശിച്ചിരുന്നത് പോലെ തലസ്ഥാനത്ത് നേരിയ മഴ. ഇന്ന് വൈകുന്നേരം നാല് മണിയോടെയാണ് തലസ്ഥാന നഗരിയിൽ വിവിധ ഭാഗങ്ങളിലായി മഴ പെയ്തത്്. മൂന്ന് മണിയോടെ കാലാവസ്ഥാ കേന്ദ്രം പുറത്തിറക്കിയ മുന്നറിയിപ്പിൽ വിവിധ ജില്ലകളിൽ മഴ മുന്നറിയിപ്പുണ്ടായിരുന്നു. കൊല്ലം, പത്തനംതിട്ട, ഇടുക്കി എന്നീ ജില്ലകളിലും വരും മണിക്കൂറിൽ ഇടിമിന്നലോട് കൂടിയ മഴയ്ക്ക് സാധ്യതയുണ്ട്.
വരുന്ന മൂന്ന് മണിക്കൂറിലെ കാലാവസ്ഥാ പ്രവചനം ഇങ്ങനെ…
അടുത്ത മൂന്ന് മണിക്കൂറിൽ കേരളത്തിലെ നാല് ജില്ലകളിൽ മഴ പെയ്‌തേക്കും. തിരുവനന്തപുരം, കൊല്ലം, പത്തനംതിട്ട, ഇടുക്കി, എന്നീ ജില്ലകളിലാണ് മഴ മുന്നറിയിപ്പ് പ്രഖ്യാപിച്ചിട്ടുള്ളത്. ഒറ്റപ്പെട്ടയിടങ്ങളിൽ ഇടിമിന്നലോട് കൂടിയ നേരിയ അല്ലെങ്കിൽ മിതമായ മഴയ്‌ക്കോ മണിക്കൂറിൽ 40 കിലോമീറ്റർ വരെ വേഗതയിൽ വീശിയടിച്ചേക്കാവുന്ന കാറ്റിനുമാണ് സാധ്യത.
