ദന്തേവാഡ: ഛത്തീസ്ഗഡിലുണ്ടായ ഏറ്റുമുട്ടലിൽ കമ്യൂണിസ്റ്റ് ഭീകരനെ വധിച്ച് അതിർത്തി സുരക്ഷാ സേന. ഛത്തീസ്ഗഡിലെ ദന്തേവാഡയിലുണ്ടായ ഏറ്റുമുട്ടലിലാണ് കമ്യൂണിസ്റ്റ് ഭീകരനെ വധിച്ചതെന്ന് സുരക്ഷാ സേന അറിയിച്ചു. ഡിസ്ട്രിക്ട് റിസർവ്വ് ഗാർഡ്, ബസ്തർ ഫൈറ്റേഴ്സ്, സിആർപിഎഫ് സംഘങ്ങളാണ് ഭീകരവാദ വിരുദ്ധ ഓപ്പറേഷന് നേതൃത്വം നൽകിയത്.
കിരണ്ടുൽ പൊലീസ് സ്റ്റേഷൻ പരിധിയിലുള്ള വനത്തിൽ വച്ചാണ് ഏറ്റുമുട്ടൽ ഉണ്ടായത്. പുറങ്കെൽ, ബഡേപള്ളി, ദോഡിറ്റുംനാർ, ഗാംപൂർ എന്നീ പ്രദേശങ്ങളിൽ കമ്യൂണിസ്റ്റ് ഭീകരരുടെ സാന്നിധ്യമുണ്ടെന്ന് രഹസ്യ വിവരം ലഭിച്ചിരുന്നു.ഇതിന്റെ അടിസ്ഥാനത്തിൽ നടത്തിയ ഓപ്പറേഷനിലാണ് കമ്യൂണിസ്റ്റ് ഭീകരനെ വധിച്ചത്.
ഓപ്പറേഷന് ശേഷം ഇയാളുടെ മൃതദേഹവും ആയുധങ്ങളും മൃതദേഹവും ആയുധങ്ങളും പ്രദേശത്ത് നിന്ന് കണ്ടെത്തിയതായി ഉദ്യോഗസ്ഥർ അറിയിച്ചു. സംഭവത്തിൽ കൂടുതൽ വിവരങ്ങൾ പുറത്തുവന്നിട്ടില്ല.
