തെന്നിന്ത്യൻ താരങ്ങളായ സിദ്ധാർത്ഥിന്റെയും അദിതി റാവു ഹൈദാരിയുടെയും വിവാഹ നിശ്ചയം മാർച്ച് 28-നാണ് നടന്നത്. രഹസ്യമായിട്ടാണ് ചടങ്ങുകൾ നടത്തിയതെന്ന് വാർത്തകൾ പ്രചരിച്ചിരുന്നു. ഇക്കാര്യത്തിൽ വ്യക്തത വരുത്തി രംഗത്തുവന്നിരിക്കുകയാണ് നടൻ സിദ്ധാർത്ഥ്.
രഹസ്യമായിട്ടാണ് ഞങ്ങൾ വിവാഹ നിശ്ചയം നടത്തിയതെന്ന് പലരും എന്നോട് പറഞ്ഞു. കുടുംബത്തോടൊപ്പം സ്വകാര്യമായും രഹസ്യമായും ചെയ്യുന്നത് തമ്മിൽ വലിയ വ്യത്യാസമുണ്ട്. ഞങ്ങൾ ക്ഷണിക്കാത്തവരാണ് ഇത് രഹസ്യമായി നടത്തിയതെന്ന് കരുതുന്നത്. പക്ഷേ അവിടെ ഉണ്ടായിരുന്നവർക്ക് ഇത് സ്വകാര്യത മാനിച്ച് നടത്തിയതാണെന്ന് അറിയാം. കുടുംബത്തിലെ അടുത്ത ബന്ധുക്കളും സുഹൃത്തുക്കളുമായിരുന്നു ചടങ്ങിൽ പങ്കെടുത്തതെന്നും സിദ്ധാർത്ഥ് പറഞ്ഞു.
സിദ്ധാർത്ഥും അദിതിയും ഏറെ കാലമായി പ്രണയത്തിലായിരുന്നു. മഹാസമുദ്രം എന്ന സിനിമയില് ഒരുമിച്ച് അഭിനയിക്കുമ്പോഴാണ് അദിതിയും സിദ്ധാര്ഥും പ്രണയത്തിലാകുന്നത്. പൊതുവേദികളിലടക്കം ഇരുവരും ഒരുമിച്ച് പ്രത്യക്ഷപ്പെടാറുണ്ട്. വിവാഹം ഈ വർഷം അവസാനത്തോടെ ഉണ്ടാകുമെന്നാണ് വാർത്തകളോട് പ്രതികരിച്ച് സിദ്ധാർത്ഥ് അറിയിച്ചത്. സിദ്ധാര്ഥിന്റെയും അദിതിയുടെയും രണ്ടാം വിവാഹമാണിത്.
