വിമർശനങ്ങൾ ഏറ്റു വാങ്ങിയിട്ടും ബോളിവുഡിൽ കഴിഞ്ഞ വർഷം വൻ നേട്ടം കൊയ്ത ചിത്രമായിരുന്നു ‘അനിമൽ’. സ്ത്രീവിരുദ്ധതയും അക്രമം നിറ‍ഞ്ഞ രംഗങ്ങളുമായിരുന്നു ചിത്രത്തിന് വിമർശനം നേരിടാൻ കാരണം. സന്ദീപ് റെഡ്ഡി വാംഗ സംവിധാനം ചെയ്ത ചിത്രത്തിൽ നായകനായെത്തിയത് രൺബീർ കപൂറായിരുന്നു.
ചിത്രത്തിന്റെ രണ്ടാം ഭാഗത്തെക്കുറിച്ച് വെളിപ്പെടുത്തിയിരിക്കുകയാണ് സംവിധായകൻ സന്ദീപ് റെഡ്ഡി. മുബൈയില്‍ നടന്ന ഒരു അവാര്‍ഡ് ഷോക്കിടയിലായിരുന്നു സംവിധായകൻ രണ്ടാം ഭാഗത്തെകുറിച്ച് സംസാരിച്ചത്. അനിമലിന്റെ രണ്ടാം ഭാഗം ആദ്യ ഭാഗത്തെക്കാളും വീര്യം കൂടിയതാകാമെന്നാണ് സന്ദീപ് റെഡ്ഡി പറഞ്ഞതായും ദേശീയ മാദ്ധ്യമങ്ങൽ റിപ്പോർട്ട് ചെയ്യുന്നുണ്ട്. 2026-ലാകും സിനിമയുടെ ചിത്രീകരണം ആരംഭിക്കുക.
2013 ഡിസംബർ ഒന്നിന് തിയേറ്ററിലെത്തിയ ചിത്രത്തിൽ രശ്മിക മന്ദാനയായിരുന്നു നായിക. ബോബി ഡിയോള്‍, അനില്‍ കപൂര്‍, തൃപ്തി ദിമ്രി എന്നിവരാണ് മറ്റ് പ്രധാന വേഷങ്ങളിലെത്തിയത്. 100 കോടി ബജറ്റില്‍ ഒരുങ്ങിയ ചിത്രത്തിന് ബോക്സോഫീസിൽ 917 കോടിയാണ് നേടാനായത്.
