വർഷങ്ങൾക്ക് ശേഷം മോഹൻലാൽ-ശോഭന ജോഡികൾ ഒരുമിക്കുന്ന ചിത്രത്തിന്റെ ചിത്രീകരണം തൊടുപുഴയിൽ ആരംഭിച്ചു. തരുൺമൂർത്തി സംവിധാനം ചെയ്യുന്ന ചിത്രത്തിൽ ടാക്സി ഡ്രൈവറുടെ വേഷത്തിലാണ് മോഹൻലാൽ എത്തുന്നത്. സിനിമ ലൊക്കേഷനിൽ ലാലേട്ടനെ കാണാൻ എത്തിയ ആരാധികയുടെ ദൃശ്യങ്ങളാണ് വൈറലാകുന്നത്. മോഹൻലാലിനെ ഒന്നു കാണുക പറ്റിയാൽ ഒന്ന് തൊടുക എന്നതായിരുന്നു ആ അമ്മൂമ്മയുടെ വരവിന്റെ ലക്ഷ്യം.
ലൊക്കെഷനിൽ നിന്ന് പോകാനിറങ്ങിയ മോഹൻലാലിന്റെ മുന്നിലെത്തിയ അമ്മൂമ്മ ‘ഇതാണോ മോഹൻലാൽ’ സംശയത്തോടെ ചോദിക്കുന്നത് വീഡിയോയിൽ കാണാം. ഉടൻ അതെ എന്ന് ലാലേട്ടന്റെ മറുപടിയെത്തി. പിന്നാലെ നേരെ താരരാജാവിന്റെ അടുത്തേക്ക് പോയി ദേഹത്തൊന്ന് തൊട്ട് നോക്കി കുശലം പറഞ്ഞു.
View this post on Instagram
കാറിൽ കയറും മുൻപ് ആരാധികയോട് തേൻമാവിൻ കൊമ്പത്തിലെ ആ പഴയ ഡയലോഗ് ഓർമിപ്പിക്കുന്ന വിധം. ‘വരുന്നോ എന്റെ കൂടെ’ എന്ന് ലാലേട്ടൻ ചോദിക്കുന്നുണ്ട്. ‘ഇല്ല’ എന്ന് അമ്മൂമ്മയുടെ മറുപടി ഉടൻ വന്നു… ശേഷം മോഹൻലാൽ കാറിൽ കയറി ലക്ഷ്യ സ്ഥാനത്തേക്ക്….
