നടിയും ബിഗ്ബോസ് താരവുമായ രാഖി സാവന്ത് ഉടൻ അറസ്റ്റിലായേക്കുമെന്ന് റിപ്പോർട്ട്. മുൻ ഭർത്താവ് ആദിൽ ഖാൻ ദുറാനിയുടെ അശ്ലീല വീഡിയോ പ്രചരിപ്പിച്ചെന്ന കേസിൽ രാഖിയുടെ മുൻകൂർ ജാമ്യാപേക്ഷ സുപ്രീം കോടതി തള്ളിയതിന് പിന്നാലെയാണ് ഇവർ അറസ്റ്റ് ഭീഷണി നേരിടുന്നത്. അന്വേഷണ സംഘത്തിന് മുന്നിൽ നാലാഴ്ചയ്ക്കകം ഹാജരാകണമെന്നും കോടതി ചൂണ്ടിക്കാട്ടി.
നേരത്തെ ഈ കേസിൽ അറസ്റ്റിൽ നിന്ന് രക്ഷപ്പെടാൻ ബോംബൈ ഹൈക്കോടതിയെ സമീപിച്ചെങ്കിലും മുൻകൂർ ജാമ്യാപേക്ഷ തള്ളിയിരുന്നു. ഇത് ചോദ്യം ചെയ്താണ് സുപ്രീം കോടതിയെ സമീപിച്ചത്. രാഖി സാവന്ത് തന്റെ സ്വകാര്യ വീഡിയോകൾ സോഷ്യൽ മീഡിയയിൽ ലീക്ക് ചെയ്ത് പ്രചരിപ്പിച്ചെന്ന് ചൂണ്ടിക്കാട്ടിയാണ് ആദിൽ ഖാൻ പരാതി നൽകിയത്.
2022 ലാണ് ഇവർ വിവാഹിതരാകുന്നത്. 2023 ജനുവരിയിലാണ് ഇത് ഔദ്യോഗികമായി സ്ഥിരീകരിക്കുന്നത്. എന്നാൽ മാസങ്ങൾക്ക് ശേഷം ഇവർ വിവാഹമോചിതരായി. പരസ്പരം സോഷ്യൽ മീഡിയയിൽ പോരടിക്കുന്നതും പതിവായി. പിന്നീട് രാഖി ആദിലിനെതിരെ ഗാർഹിക പീഡന പരാതി നൽകി. പിന്നീട് വലിയ വിവാദങ്ങളെ ഇതിനെ തുടർന്ന് ഉണ്ടായത്.