തായ്പേയ് സിറ്റി: തായ്വാനിൽ വൻ ഭൂചലനം. ഒൻപത് മിനിറ്റിനിടെ അഞ്ച് തവണയാണ് ഭൂമികുലുക്കം അനുഭവപ്പെട്ടത്. കിഴക്കൻ തായ്വാനിലെ ഹുവാലിയൻ കൗണ്ടിയിലെ ഷൗഫെംഗ് ടൗൺഷിപ്പിലാണ് സംഭവം. പ്രാദേശിക സമയം 5.08-നും 5.17-നും ഇടയിലാണ് ഭൂചലനം അനുഭവപ്പെട്ടത്.
തായ്വാനിൽ ഭൂചലനം തുടർക്കഥയാവുകയാണ്. രണ്ട് ആഴ്ചയ്ക്ക് മുൻപ് റിക്ടർ സ്കെയിലിൽ 7.4 തീവ്രത രേഖപ്പെടുത്തിയ ഭൂചലനം പടിഞ്ഞാറൻ തായ്വാനിൽ അനുഭവപ്പെട്ടിരുന്നു. നാല് പേർ മരിക്കുകയും 700 പേർക്ക് പരിക്കേൽക്കുകയും ചെയ്തിരുന്നു.
